Banklarda valyuta satılmaması iddiası ilə bağlı cəmiyyətdə müxtəlif fikirlər var.
Baku TV xəbər verir ki, bir neçə müddətdir cəmiyyətdə dollar qıtlığı ilə bağlı söz-söhbət gəzir. İddialara görə banklar vətəndaşa dollar satmaqdan imtina edir və bunu Mərkəzi Bankdan aldıqları göstərişlə əlaqələndirirlər.
Mərkəzi Bankın sədri Elman Rüstəmov isə təmsil etdiyi qurum tərəfindən belə bir məhdudiyyətin qoyulmadığını bildirir.
Ekspertlərin fikrincə əsas məqsədi pul qazanmaq olan kommersiya bankları valyutanı ucuz alıb, baha sata bilirsə, niyə öz xeyrindən imtina etsin? Deməli bu məntiqə uyğun deyil.
Digər tərəfdən banklarda valyuta satılmaması çirkli pulların yuyulmasının qarşısını alsa da, bunun neqativ tərəfləri də var. Belə ki, valyuta ala bilməyən vətəndaş müxtəlif çıxış yolları axtarır və nəticədə bu, yenidən “qara bazar”ın dirçəlməsinə səbəb olur.
Ekspertlərin sözlərinə görə, əhali arasında dollara tələbat pandemiya ilə əlaqədar xarici səfərlərin azalması səbəbindən aşağıdır. Lakin sabah istər təhsil və səhiyyə, istərsə də turistik səfərlər artarsa, xarici valyutaya tələb daha da çoxalacaq. Sözügedən məhdudiyyətlərlə isə artan təzyiq əks-effekt yarada bilər. Buna görə Mərkəzi Bank məsələni konkretləşdirməli, limiti keçən vətəndaşlarla bağlı yaddaşı təzələməlidir.
Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə may ayı üçün biletlər 26 aprel 2024-cü il saat 11:00-da satışa çıxarılacaq.
Malıbəylidə ən azı altı nəfərə aid olduğu ehtimal edilən sümük fraqmentləri aşkar edilib.
Dövlət İmtahan Mərkəzinin aprelin 28-də ali təhsil müəssisələrinin magistraturalarına keçirəcəyi qəbul imtahanında (II cəhd) 19716 bakalavr iştirak edəcək.
