Azərbaycan Avropa çempionatında beş medal qazandı: Neçənci olduq?

Azərbaycan Avropa çempionatında beş medal qazandı: Neçənci olduq?
12 Apr 2021 11:29


Rusiyanın paytaxtı Moskvada ağırlıqqaldırma üzrə kişilərdə 99-cu, qadınlarda 33-cü Avropa çempionatı başa çatıb.

Cəmi üç idmançı ilə yarışa çıxan millimiz ümumilikdə beş medalla Vətənə qayıdır. Belə ki, qadınların yarışında Boyanka Kostova (-59 kq) iki qızıl və bir bürünc, kişilərin yarışında Dadaş Dadaşbəyli (-102 kq) bir qızıl və bir bürünc medal qazanıb.

Bu medallardan ikisi – bir qızıl və bir bürünc böyük medal sayılır. İdmançılarımızın qazandığı iki qızıl və bir bürünc medal isə kiçik medaldır (birdən qaldırma və təkanla qaldırma hərəkətlərinə əsasən).  

Bəs millimiz bu nəticə ilə Avropa çempionatını neçənci yerdə başa vurdu?

realpress.az bunu araşdırıb.

Ümumi medallara görə Azərbaycan millisi yarışı 9-cu sırada bitirib. Ən çox medal qazanan meydan sahibi Rusiya olub. Lakin qazandıqları 24 medaldan cəmi ikisi qızıl olduğundan (2 qızıl, 12 gümüş və 10 bürünc medal) 10-cu sırada qərarlaşıblar. Ukrayna 17 medal qazanıb. 10 qızıl, 3 gümüş və 4 bürünc medalla birinci yeri tutublar.

Əsas medallara görə isə yığmamız 10-cu sıranı tutub. Burada da Ukrayna birincidir. Dörd qızıl, bir gümüş və bir bürünc medal qazanan Ukrayna idmançıları münasibətləri pis olan qonşu Rusiyada lider olublar. Yeri gəlmişkən, hər iki sıralamaya görə, Bolqarıstan ikinci yeri tutub.

Qeyd edək ki, 3-11 aprel tarixlərində keçirilmiş Avropa çempionatında ümumilikdə 20 ölkə (əsas medal qazanmasına görə isə 16 ölkə) medal qazana bilib.


29 Mar 2024
İdman

Azərbaycan boksçuları Bakıdakı beynəlxalq turnirdə 21 medal qazanıblar - YENİLƏNİB + FOTO

Bakıda kişi boksçular arasında ənənəvi “Böyük İpək Yolu” beynəlxalq turnirinin qalibləri müəyyənləşib.

28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.