Azərbaycanda kiçik və orta sahibkarlıq subyektlərinin ümumi daxili məhsulda payı 13,4 faizdir. Eləcə də, KOB-ların ölkədaxili ümumi məşğulluqda payı 42,9 faizi təşkil edir.
Bu barədə Alman-Azərbaycan Xarici Ticarət Palatasının kiçik və orta biznes subyektlərinin fəaliyyət imkanlarını və potensialını əks etdirən hesabatında məlumat verilib.
Bildirilib ki, 2018-ci ildən Azərbaycan iqtisadiyyatı neft qiymətlərinin artımı, qaz hasilatı və ixracının həyata keçirilməsi ilə yeni rifah dövrünə qədəm qoyub. 2019-cu ildə ölkə iqtisadiyyatı 2,2 faiz artımla 2014-cü ildən bəri ən yaxşı göstəricini əldə edib.
Əlavə edilib ki, iqtisadi artım qeyri-enerji sektorunun ÜDM-də payının yüksəlməsi ilə də əlaqəlidir. Belə ki, Azərbaycanda qeyri-neft sektorunun ÜDM-də payı 3,5 faiz artıb ki, bu, kənd təsərrüfatı və xidmət sahələrinin genişlənməsi hesabına qeydə alınıb.
Həmçinin qeyd olunub ki, doqquz iqlim qurşağı ilə Azərbaycan dünya miqyasında şabalıd, əncir, fındıq və albalı, çay, tütün, pambıq, üzüm və xurma kimi nadir məhsullar istehsalçısıdır. Ölkədə əhalinin təqribən 47 faizi kənd yerlərində yaşayır və məşğulluğun təqribən 39 faizi kənd təsərrüfatı və emalı sahələrinin payına düşür.
Əkinçilik sahəsinin ÜDM-də payı isə təxminən 6 faizdir. Bu sahə qeyri-neft iqtisadiyyatına böyük töhfə verərək böyüməni, yeni iş yerlərinin açılmasını və ərzaq təhlükəsizliyini stimullaşdırılması üzrə böyük potensiala malikdir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
