Heydər Əliyev Fondu tərəfindən Türkiyəyə müalicəyə göndərilən qazimizdən xəbər var - FOTO

Heydər Əliyev Fondu tərəfindən Türkiyəyə müalicəyə göndərilən qazimizdən xəbər var - FOTO
03 Mar 2021 16:09


Azərbaycanın Birinci vitse-prezidenti Mehriban Əliyevanın tapşırığı ilə Heydər Əliyev Fondu tərəfindən müayinə, müalicə və reabilitasiya üçün Türkiyəyə yola salınan II Qarabağ müharibəsinin daha bir iştirakçısı, qazi Rəvan Əzizovun Kocaelidə müalicəsi davam edir.

“Anadolu” agentliyi Ermənistan silahlı qüvvələri tərəfindən minaatan hücumunda ağır yaralanan 19 yaşlı qazimizin müalicə və reablitasiya prosesindən məlumat verib.

Qolları və ayaqları iflic olan qazimiz İzmit rayonunda müalicə aldıqdan sonra sağalaraq vətənə dönəcəyi günü səbirsizliklə gözləyir:

“Burada müalicəm çox yaxşı gedir. Bizə çox yaxşı baxırlar. Qazi olduğumuza görə böyük hörmət göstərirlər. Bu, bizi sevindirir. Özümüzü tənha deyil, ölkəmizdəki kimi hiss edirik. Xəstəxana işçilərinə, həkimlərə və tibb bacılarına təşəkkür edirəm”.

“Dostlarımız şəhid olanda özümüzü itirmirdik. Belə olmasa idi, oradaca ölə bilərdik. Çox ağrılı olsa da insan bunlara öyrəşir”, - Əzizov deyib.

Torpağının azadlığı uğrunda mübarizə aparmaqdan qurur duyduğunu deyən qazi Türkiyə və Azərbaycanın qardaş ölkə kimi bir-birlərinə dəstək olmağa davam edəcəklərini vurğulayıb.

Romatem Kocaeli Xəstəxanası Fiziki Tibb və Reabilitasiya mütəxəssisi, doktor Esra Mustafa isə dost və əziz ölkə Azərbaycandan olan igid qaziləri müalicə etməkdən çox şərəf duyduqlarını bildirib.

O, xəstənin boyun və kürək nahiyələrindən güllə yarası aldığını deyib:

“Xüsusilə fizioterapevtlə robot müalicələri və digər növ müalicələr planlaşdırdıq. Ozon terapiyası dəstəyi veririk. Müalicə müddətimiz sağlamlığımız irəlilədikcə azalacaq. Ümidimiz böyükdür, çalışırıq”.


15 Apr 2021
Cəmiyyət

Milli Qəhrəmanın oğluna vəzifə verildi

Milli Qəhrəman Əliyar Əliyevin oğluna yüksək vəzifə verildi. 

15 Apr 2021
Cəmiyyət

Sahil Babayev Erkan Özoralla görüşdü

“Qardaş Türkiyə ilə ötən dövrdə sosial sahədə formalaşmış qarşılıqlı çoxistiqamətli əməkdaşlıq əlaqələri qarşıdakı dövrdə daha da genişlənəcək”.

15 Apr 2021
Cəmiyyət

Yeni KOB dostları fəaliyyətə başladı - FOTO

Aprelin 15-də Salyan və Sabirabad rayonlarında KOB dostları fəaliyyətə başlayıb.

15 Apr 2021
Cəmiyyət

Nazirlər Kabinetindən büdcə gəlirləri ilə bağlı QƏRAR

“Azərbaycan Respublikasının vahid büdcə təsnifatının təsdiq edilməsi barədə” qərara dəyişiklik edilib.

15 Apr 2021
Cəmiyyət

Ramiz Mehdiyevi məhkəməyə verən direktor işinə qayıtdı - AÇIQLAMA

Azərbaycan Milli Elmlər Akademiyasının Rəyasət Heyətinin iclasında bir müddət əvvəl tutduğu vəzifədən azad edilmiş Torpaqşünaslıq və Aqrokimya İnstitutunun direktoru Əlövsət Quliyev vəzifəsinə bərpa olunub. Bu barədə Əlövsət Quliyev öz sosial şəbəkə hesabında məlumat verib: