Türkiyənin “Anadolu” agentliyinin ispandilli versiyasında Azərbaycan Prezidenti İlham Əliyevin fevralın 26-da yerli və xarici media nümayəndələri üçün keçirdiyi mətbuat konfransı barədə məqalə dərc edilib.
Məqalədə qeyd olunur ki, Azərbaycan Prezidenti İlham Əliyev Ermənistandakı siyasi böhranı İrəvanın işğal siyasətinin nəticəsi adlandırıb.
Azərbaycan Prezidenti İlham Əliyev cümə günü yerli və xarici media nümayəndələri üçün mətbuat konfransı zamanı Ermənistanın münaqişənin növbəti eskalasiyasının qarşısının alınması üçün 10 noyabrda imzalanmış atəşkəs bəyanatına əməl etməli olduğunu bildirib.
“Ümid edirəm ki, Ermənistanda yaranmış vəziyyətə baxmayaraq, noyabrın 10-da imzalanmış bəyanat icra ediləcək. Əks təqdirdə Ermənistan daha da ağır vəziyyətə düşəcək. Ermənistan qarşısında seçim o qədər də böyük deyil. Onlar yeni reallıqlarla barışmalı və hesablaşmalıdırlar”, - deyə Prezident İlham Əliyev bildirib.
“Bu gün Ermənistan elə bir ağır durumdadır ki, orada gedən proseslər ölkənin dövlətçilik əsaslarını böyük dərəcədə sarsıdır. Bunun günahkarları Ermənistanın əvvəlki və indiki rəhbərləridir. Çünki iyirmi il ərzində Koçaryan-Sarqsyan xuntası Ermənistanı faktiki olaraq uçuruma aparırdı və böhranlı vəziyyətə gətirib çıxardı”, - deyə dövlət başçısı bildirib.
Məqalədə, həmçinin Ermənistanın Baş naziri Nikol Paşinyanın cümə axşamı ölkəsində baş vermiş hərbi çevriliş cəhdini pislədiyi vurğulanıb.
Azərbaycan Prezidenti bildirib ki, Ermənistandakı hazırkı siyasi böhran bu ölkənin işğalçılıq siyasətinin nəticəsidir.
“Ermənistanı iqtisadi cəhətdən sarsıtmaq və təcrid etmək bizim siyasətimiz idi. Deyirdim ki, Ermənistan öz silahlı qüvvələrini bizim torpaqlarımızdan çıxarsın, ondan sonra bölgədə işbirliyi də ola bilər, əməkdaşlıq da ola bilər və bizim siyasətimizdə dəyişiklik də ola bilər. Əgər vaxtında qulaq assaydılar, bu gün belə rəzil duruma düşməzdilər”, - deyə İlham Əliyev bildirib.
Məqalədə, həmçinin münaqişənin tarixi və 44 günlük Vətən müharibəsi barədə obyektiv faktlara da yer verilib, 10 noyabr bəyanatına baxmayaraq, Ermənistanın bundan sonra da bir neçə dəfə atəşkəsi pozduğu qeyd olunub.
“Ermənistan heç vaxt bu cür acınacaqlı vəziyyətdə olmamışdır. Onları bu vəziyyətə salan onların rəhbərləridir. Həm 20 il Ermənistana başçılıq edən xunta rəhbərləri – Köçəryan-Sarkisyan xuntası, həm ondan sonra gələn hakimiyyət”, - deyə Prezident İlham Əliyev Bakının Ramana qəsəbəsində şəhid ailələrinin üzvləri və müharibə əlilləri ilə görüşündə bildirib.
“Amma nədənsə demokratiyadan dəm vuran bəzi qeyri-hökumət təşkilatları və bəzi hökumətlər buna göz yumurlar. Necə olur Ermənistanda müxalifət gündəlik formatda əzilir, dağıdılır, həbs edilir, öldürülür, amma buna heç kim reaksiya vermir. Bu, nəyi göstərir?”, - deyə dövlət başçısı vurğulayıb.
“Necə deyərlər, həmin 30 illik tarix bir daha əks etdirir ki, biz bu qələbəni təkcə Ermənistan üzərində qazanmamışıq. Bizə qarşı mütəşəkkil və güclü dairələr birləşib bizim torpağımızı əbədi işğal altında saxlamaq istəyirdilər. Ermənistan, sadəcə olaraq, bir alət idi, bir vasitə idi. Biz bunu dağıtdıq. Biz bu məkrli siyasəti alt-üst etdik və haqq-ədaləti bərpa etdik”, - deyə İlham Əliyev qeyd edib.
“Azərbaycan inkişaf və quruculuq yolu ilə inamla irəliləyir. Ölkə Prezidenti cənab İlham Əliyevin rayon və bölgələrə etdiyi mütəmadi səfərlər görülən işlərin dövlətin diqqət mərkəzində olduğundan xəbər verir və eyni zamanda da bu işlərin yüksək səmərəlilik və keyfiyyət göstəricilərinə uyğun həyata keçirilməsi üçün ən güclü stimul rolunu oynayır. Dövlət başçısının hər belə səfəri regional və ölkə əhəmiyyətli obyektlərin açılış və ya təməlqoyma mərasimləri ilə müşayiət olunur. O cümlədən aprelin 16-da Hacıqabul rayonuna səfəri çərçivəsində cənab Prezidenti İlham Əliyev yenidən qurulacaq Şirvan suvarma kanalının təməlini qoyub”.
Üzərinə həbs qoyulmuş əmlakın idarə edilməsi proseduru müəyyənləşib.
Azərbaycanın iqtisadiyyat naziri Mikayıl Cabbarov “Uğur yolu” karyera inkişafı proqramının yekun mərhələsinin açılışında iştirak edib.
