“Sinhua” agentliyinin İspaniya bölməsi Prezidentin mətbuat konfransı ilə bağlı məqalə dərc edib - FOTO

“Sinhua” agentliyinin İspaniya bölməsi Prezidentin mətbuat konfransı ilə bağlı məqalə dərc edib - FOTO
01 Mar 2021 10:37


“Sinhua” agentliyinin İspaniya bölməsi Azərbaycan Prezidenti İlham Əliyevin fevralın 26-da yerli və xarici KİV nümayəndələri üçün mətbuat konfransı ilə əlaqədar məqalə dərc edib.

“Azərbaycan Prezidenti: “Çinli tərəfdaşlarımız öz öhdəliklərini yerinə yetirirlər” adlı məqalədə deyilir:

“Azərbaycan Prezidenti İlham Əliyev fevralın 26-da çinli tərəfdaşların COVID-19-a qarşı peyvənd tədarükü üzrə öhdəliklərini yerinə yetirdiklərinə görə təqdir edib, eyni zamanda vaksinlərin qlobal paylanmasında açıq-aşkar bərabərsizliklə bağlı narahatlığını bildirib.

“Həmrəylik barədə, bu bəlaya qarşı birgə mübarizə barədə bütün bəyanatlara baxmayaraq, praktikada tamamilə əks vəziyyət görürük. Məsələn, bəzi ölkələr onlara lazım olandan 3-4 dəfə çox vaksin alıblar... Belə çıxır ki, kiməsə çatmayacaq”, - deyə prezident onlayn formatda qatıldığı mətbuat konfransında bildirib.

İlham Əliyev vurğulayıb ki, Azərbaycan lap əvvəldən Ümumdünya Səhiyyə Təşkilatı tərəfindən dəstəklənən beynəlxalq “COVAX” peyvənd mübadiləsi təşəbbüsünə qoşulub.

Çinli tərəfdaşların öz öhdəliklərinə sadiq qaldıqlarını qeyd edən prezident ölkəsinin alınmalı olan başqa peyvəndləri hələ də almadığını söylədi. O, Azərbaycanın “COVAX” təşəbbüsü üzrə “AstraZeneca” - “Oxford”, “Pfizer” - “BioNTech” və “Moderna” peyvəndlərini hələ almadığını vurğulayıb.

“Özü də bizə onları nə vaxt alacağımızı demirlər”, - deyə dövlət başçısı əlavə edib.

Azərbaycanda COVID-19-a qarşı kütləvi vaksinasiya Çinin əczaçılıq şirkəti “Sinovac” tərəfindən hazırlanmış “CoronaVac” preparatı istifadə olunmaqla yanvar ayından başlayıb.


28 Mar 2024
Siyasət

Azərbaycandakı valyuta hərraclarındakı satış 2 dəfəyə yaxın artıb

Bu ilin yanvar-mart aylarında Azərbaycan Mərkəzi Bankının (AMB) Dövlət Neft Fondu (ARDNF) ilə birlikdə keçirdiyi valyuta hərraclarında 1 milyard 835,8 milyon ABŞ dolları məbləğində satış olub.

28 Mar 2024
Siyasət

Azərbaycan Kuboku: “Sərhədçi” sonuncu yarımfinalçı oldu - FOTO

“Sərhədçi” İdman Mərkəzində basketbol üzrə Azərbaycan Kubokunun B qrupunda son iki oyun keçirilib.

27 Mar 2024
Siyasət

Bakıda 18 dərəcə isti, dağlarda 7 dərəcə şaxta olacaq - Sabahın HAVA PROQNOZU

Martın 28-də Azərbaycan ərazisində gözlənilən hava şəraiti ilə bağlı proqnoz açıqlanıb.

27 Mar 2024
Siyasət

Növbəti köç karvanı Füzuliyə çatıb - YENİLƏNİB + FOTO/VİDEO

Bakının Qaradağ rayonunun Lökbatan qəsəbəsində məcburi köçkünlər üçün salınmış “Qobu Park-3” yaşayış kompleksində 134 nəfərdən ibarət növbəti köç karvanı Füzuliyə çatıb.

27 Mar 2024
Siyasət

Ekvador prezidenti İlham Əliyevi təbrik etdi

Ekvador Respublikasının Konstitusional Prezidenti Daniel Noboa Azin Azərbaycan Respublikasının Prezidenti İlham Əliyevə təbrik məktubu ünvanlayıb.