Vətən müharibəsində işğaldan azad olunan Cəbrayıl rayonu özünün münbit torpaqları ilə tanınır. Ermənilər bu torpaqları 27 ildir istismar edirdi.
bölgə müxbiri Cəbrayılın Soltanlı kəndində taxıl əkini sahələrində olub.
Tarixi Azərbaycan torpaqları olan bu yerlər Kiçik Qafqaz dağlarının cənub-şərqində yerləşir, Gəyən düzü və Qarabağ silsiləsini əhatə edir. Rayon ərazisi əsasən dağətəyi və düzənlikdən ibarətdir.
Cəbrayılda heyvandarlıqla yanaşı, əkinçilik də inkişaf etmişdi. Erməni işğalı nəticəsində rayonun sərvətləri tar-mar edilmiş, infrastruktur sıradan çıxarılmışdır.
Ümumilikdə Cəbrayılda 58 min 585 hektar əkinəyararlı torpaq sahəsi mövcud idi. Əkin sahələri suvarma sistemləri ilə suvarılan və dəmyə torpaqlardan ibarət olub. Əsasən Araz, İncəçay və Çaylaqçay çaylarının suları ilə suvarılıb. Bundan başqa, Cəbrayılın kəhrizləri də əkinçiliyin inkişafında mühüm rol oynayıb.
Rayon işğaldan öncə üzümçülük, tütünçülük və baramaçılıq sahələri üzrə də ixtisaslaşmışdı. Əsasən də üzümçülük inkişaf etmiş sahələrdən idi. Sovet vaxtında 60 min ton üzüm istehsal edən Cəbrayılda ilkin emal müəssisələri də vardı. Lakin digər rayonlarımız kimi, erməni vandalizminə məruz qalan Cəbrayılın aqrar infrastrukturu da yerlə-yeksan edilmişdir.
Araz boyunca yerləşən Cəbrayılın münbit torpaqlarının yenidən əkilib-becərilməsi ölkəmizin kənd təsərrüfatının daha da dirçəlməsinə imkan yaradacaq.
İndi öz sahiblərində olan bu torpaqlar əvvəlki kimi bol məhsul verəcək. Rayon sakini Hidayət Səfərli söyləyir ki, bu yerlər tünd şabalıdı torpaqlardır. Ona görə də əkinçiliyin müxtəlif növləri üçün əlverişli hesab edilir. Soltanlı kəndi də bu ərazidə yerləşir və daim əkinçiliyin yüksək səviyyədə olması ilə seçilib.
Hidayət Səfərli deyir ki, yol kənarlarında üzüm bağları, taxıl zəmiləri, böyük tut bağları vardı: “Lakin indi onlardan heç bir əsər-əlamət qalmayıb, ağaclar belə məhv edilib. Artıq doğma torpaqlarımız azaddır. Cəbrayıl Prezidentimizin rəhbərliyi ilə yenidən dirçələcək, əkin sahələrimiz canlanacaq”.
Qeyd edək ki, müasir dövrdə ölkəmizdə kənd təsərrüfatının bütün sahələrində tətbiq edilən müasir yanaşma ilə ciddi inkişaf əldə olunub. İstər heyvandarlıqda yeni növ cinslər, bitkiçilikdə isə daha məhsuldar toxumların tətbiqi ilə ciddi artım əldə etmək mümkündür. Bütün bunlar ölkənin, o cümlədən Cəbrayılın kənd təsərrüfatında əhəmiyyətli irəliləyişlərə səbəb olacaq.
Cəbrayılın Soltanlı kəndi zəhmətkeşlərlə yanaşı, həm də alimlər diyarı olub. Hidayət Səfərlinin sözlərinə görə, bu kənddə bir çox tanınmış alimlər yetişib. “Soltanlı təkcə Cəbrayılda deyil, respublikada tanınan kəndlərimizdəndir. Akademik Tofiq Hacıyevin kəndi olub. Bir çox alimlərin adını çəkmək olar, hansı ki bu kənddə böyüyüb, boya-başa çatıb, Azərbaycan elminə, mədəniyyətinə böyük töhfələr verib”, - deyə o, əlavə edib.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
