Üç il öncə yaralandı, Vətən müharibəsində isə şəhid oldu – FOTO/VİDEO

Üç il öncə yaralandı, Vətən müharibəsində isə şəhid oldu – FOTO/VİDEO
22 Fev 2021 09:22


2017-ci ildə düşmən snayperi tərəfindən ağır yaralanır, lakin yenidən xidmətə qayıdır. Komandiri olmuş Azərbaycanın Milli Qəhrəmanı, şəhid general-mayor Polad Həşimovun intiqamını almaq üçün isə Vətən müharibəsinə könüllü gedir. Söhbət Polad Həşimovun əsgəri olmuş şəhid Pərviz Ələsgərovdan gedir.

“Report”un əməkdaşı Daşkəsən rayon sakini, 36 yaşlı Pərviz Lətif oğlu Ələsgərovun ailəsi ilə həmsöhbət olub, Milli Qəhrəman Polad Həşimovun sevimli əsgərlərindən olan və onun şəhid xəbərini eşitdikdən sonra yaralı halda olsa belə ürəyi intiqam alovu ilə yanan Pərviz haqqında yaxınlarının fikrini öyrənib.

“N” saylı hərbi hissədə kəşfiyyatçı olan P.Ələsgərov bir müddət xidmət etdiyi hərbi hissənin komandiri, şəhid general-mayor Polad Həşimovun sevilən əsgərlərindən biri olub.

P.Ələsgərov 2017-ci ildə düşmənlə üz-üzə olan postda erməni snayperi tərəfindən açılan atəş nəticəsində ağır yaralanıb. Güllə onun ürəyinə yaxın yerə dəyib və yaralı halda 15 saat yüksək dağlıq ərazidən düşürülərək hospitala aparılıb və əməliyyat edilib. Yaralandığı üçün təxris olunma imkanı olsa da bundan imtina edir və yenidən hərbi xidmətə geri qayıdır, vətənə, xalqına olan sevgisini öz xidməti ilə davam etdirir.

Yaxınları onun Vətənə, bayrağa olan sevgisini və intiqam eşqini bir an belə dilindən düşünmədiyini bildirir. Bu intiqam hissi komandiri olmuş Polad Həşimovun Tovuz döyüşlərində şəhid olduğu anda daha da artır və öz istəyi ilə Tovuz istiqamətində gedən döyüşlərdə iştirak edir.Nəhayət Vətən müharibəsi başlayanda, sentyabrın 27-də elə öz ad günündə müharibəyə gedir.

Oktyabrın 1-də ailəsi ilə sonuncu dəfə danışır və bir gün sonra düşmən mövqeyinə 60 metr qalmış ərazidə şəhid olur. Bu səfər düşmən snayperi onu öncə ayağından, sonra isə baş nahiyəsindən vurur.

Onun nəşi 52 gün sonra ailəsinə təhvil verilib. Şəhid Daşkəsən rayon Şəhidlər Xiyabanında dəfn olunub. P. Ələsgərovun 13 və 11 yaşında oğulları ondan uğrunda canından keçdiyi Vətənə əmanət qalıb.


16 Sent 2023
Hərbi

Naxçıvanda ilk milli hərbi hissənin yaradılması qeyd edildi - FOTO

Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.

2 Sent 2023
Hərbi

Ordumuz Ermənistan silahlı qüvvələrinə məxsus PUA-ların idarəetmə stansiyasını məhv edib

Ermənistan silahlı qüvvələrinə məxsus PUA-nın idarəetmə stansiyası məhv edilib.

14 İyun 2023
Hərbi

Ermənilər Naxçıvan istiqamətində mövqelərimizi atəşə tutdular: Cavab tədbirləri görülür

İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.

12 Apr 2023
Hərbi

Ermənilərin itkilərinin sayı AÇIQLANDI

Ermənistan Müdafiə Nazirliyi Ermənistan Silahlı Qüvvələrinin təxribatı nəticəsində 4 hərbçisinin həlak olması, 6 hərbçisinin isə yaralanması barədə məlumat yayıb.

31 Yan 2023
Hərbi

Azərbaycan Ordusunun tankları Türkiyədə keçirilən təlimlərdə manevrlər edib

Türkiyə və Azərbaycanın zirehli bölmələri Türkiyənin Qars şəhərində keçirilən “Qış təlimi - 2023” təlimlərində manevr imkanları yoxlanılıb. Manevrlərdən əvvəl tanklara texniki qulluq və nəzarət həyata keçirib.