“Azəriqaz” İstehsalat Birliyi son 10 ildə iki növ sayğacdan istifadə edir: Mexaniki-elektron və əvvəldən ödənişli (smart-tipli) sayğaclardan. Ən müasir əvvəldən ödənişli (smart-tipli) 60 min ədəd sayğac gələn ay Bakı şəhərinə gətiriləcək”.
Bunu “Azəriqaz” İstehsalat Birliyinin baş direktoru Ruslan Əliyev deyib.
“Bu sayğacların da paylanmasına və quraşdırılmasına başlanılacaq. Yeni smart-tipli sayğacların əvvəlkilərdən daha çox funksiyası mövcuddur. Abonentləri narahat edən bloka düşmə, kartın oxunmaması, kartda rəqəmlərin görünməməsi və s. proseslər bu sayğaclarda yoxdur.
Həmçinin mexaniki-elektron tipli sayğaclara da əlavə xüsusi qurğular quraşdırılır. Həmin avadanlıq vasitəsilə sərfiyyatın kənardan görünməsi, borclu abonentlərin qazının açılıb-bağlanması proseslərini həyata keçirəcəyik. Həmin sayğaclar onlayn rejimdə olacaq.
Köhnə smart-tipli sayğaclarda biz sərfiyyatı görə bilmirdik. Həmin smart-tipli sayğaclardan imtina etməmişik. Abonentlərimizi narahat edən məsələyə də həssaslıqla yanaşırıq”.
Gələn ay işğaldan azad edilən Şuşa şəhərinə 50 məcburi köçkün ailəsinin köçürülməsi planlaşdırılır.
Polis əməkdaşları Xankəndi şəhərində avtomat, qumbaraatan və qumbaralar tapıblar.
Qırğızıstan Prezidenti Sadır Japarov Azərbaycan Respublikasına rəsmi səfər edəcək.