Argentinada 6,5 bal gücündə zəlzələ baş verib.
Yerli “Tiempo de San Juan” qəzetinin məlumatına görə, şiddətli zəlzələ San-Xuan əyalətinin sakinləri arasında çaxnaşmaya səbəb olub. Yeraltı təkanlar zəlzələ ocağından min kilometr məsafədə olan Buenos-Ayresdə belə hiss olunub.
8 kilometr dərinlikdə baş verən yeraltı təkanların ardınca 4,4 bal gücündə avterşoklar (zəlzələdən sonra baş verən kiçik təkanlar) davam edib.
Zəlzələnin episentri Media Aqua şəhərində yerləşib. Qorxuya düşən insanlar küçələrə axışıb.
Qeyd edilir ki, 1944-cü ildə San-Xuanda 7 baldan yuxarı, 10 min insanın ölümü ilə nəticələnən güclü zəlzələ baş verib. 1977-ci ildə qeydə alınan zəlzələdə 60-dan çox insan həyatını itirib.
Qazaxıstan xilasediciləri daşqınlar səbəbindən 117 mindən çox insanı məskunlaşmış ərazilərdən təxliyə ediblər.
Gürcüstanın paytaxtı Tbilisidə atışma olub, üç nəfər yaralanıb.
Rusiya qoşunları Çerniqova üç raket zərbəsi endirib.
