Avropa Gimnastikasının prezidenti Fərid Qayıbov və bədii gimnastika üzrə milli komandanın baş məşqçisi Mariana Vasilyeva Azərbaycan Dövlət Bədən Tərbiyəsi və İdman Akademiyasında (ADBTİA) olublar.
ADBTİA-dan realpress.az-a verilən məlumata görə, onlar tanışlıq məqsədilə akademiyanın nəzdində fəaliyyət göstərən Multimedia Mərkəzinə gələrək burada yaradılan şəraiti əyani görüblər.
Akademiyanın Tədris və Elmi İşlər üzrə prorektoru Təhminə Tağızadə və Beynəlxalq Əlaqələr şöbəsinin müdiri Elnur Məmmədov qonaqlara məlumat verərək bildiriblər ki, mərkəzdə ən son avadanlıqlarla təchiz edilən radio sistemi, o cümlədən TV layihələrin hazırlanması üçün studiyalar yaradılıb. Həmin studiyalar bütün zəruri texniki avadanlıqlarla təmin edilib. Qonaqlar ASAPES TV-yə müsahibəsində Multimedianın işini yüksək qiymətləndirirək, buranı ölkə üzrə nümunəvi mərkəz adlandırıblar.
Onların fikirlərini təqdim edirik:
Fərid Qayıbov: “Təhsil ocağı üçün, hansısa bir təşkilat üçün belə bir studiyanın olması bizim ölkəmiz üçün yenilik olsa da, eyni zamanda idman dilində danışsaq, kiçik bir qələbədir... Müasir radiolarda olan avadanlıq, studiyanın özünü, avadanlıqları gördük və sizin kimi mütəxəssislərlə tanış olduq. Hər şey ən yüksək səviyyədə təşkil olunub. Mən sizə işlərinizdə uğurlar arzu edirəm və inanıram ki, uğur də gələcək. Sizin, təhsil ocağının bir strategiyası var və bu strategiyanın ərsəyə gəlməsində rəhbərlik böyük işlər görür, çalışır”.
Mariana Vasilyeva: “Dünya irəliləyir və siz də eyni zamanda irəliləyirsiniz. Bu çox yaxşıdır. Bu gün Multimedia Mərkəzində gördüklərim ən yüksək səviyyədədir, bu bir yenilikdir. Bu yenilik münasibətilə sizi təbrik edirəm, çoxsaylı müsahibələr və tədbirlər arzulayıram”.
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
