Fransanın Nitsa şəhərində keçiriləcək güləş üzrə 47-ci Qran Pri yarışında iştirak edəcək millimizin heyəti müəyyənləşib.
realpress.az-ın əldə etdiyi məlumata görə, ilin ilk yarışında yalnız sərbəst güləş və yunan-Roma güləşi üzrə millilərimiz iştirak edəcək. Bu yarışda mübarizə aparmayacaq qadın millimiz isə yanvarın 20-dək Türkiyənin İstanbul şəhərində təlim-məşq toplanışını davam etdirəcək.
Beləliklə, güləş millilərimiz 21 idmançı ilə fransalı Olimpiya çempionu Anri Deqlanın xatirəsinə həsr olunan turnirdə mübarizə aparacaq. Bunlardan 11-i sərbəst, 10-u yunan-Roma güləşi üzrə millimizin üzvləridir. Sərbəst güləş üzrə millimiz 10 çəki dərəcəsindən 6-da, yunan-Roma güləşi üzrə yığmamız isə 9-da təmsil olunacaq. Olimpiya, dünya və Avropa çempionu Şərif Şərifov Cəbrayıl Həsənovun karyerasını bitirməsindən sonra ilk dəfə bu yarışda sərbəst güləş üzrə millinin kapitanı qismində çıxış edəcək.
Sərbəst güləş üzrə millimiz
57 kq – Mahir Əmiraslanov, İslam Bazarqanov, Georgi Edişeraşvili
65 kq – Əli Rəhimzadə
70 kq – Turan Bayramov
74 kq – Hacımurad Hacıyev, Coşqun Əzimov, Hacımurad Ömərov
86 kq – Əbubəkr Abakarov, Osman Nurməhəmmədov
97 kq – Şərif Şərifov
Yunan-Roma güləşi üzrə millimiz
60 kq – Murad Məmmədov
63 kq – Murad Bazarov
67 kq – Namaz Rüstəmov, İslambəy Dadov
72 kq – Ülvi Qənizadə
77 kq – Sənan Süleymanov
82 kq – Rafiq Hüseynov
87 kq – İslam Abbasov
97 kq – Murad Lokyayev
130 kq – Sabah Şəriəti
Qeyd edək ki, sərbəst güləş millimizin aparıcı üzvlərindən Olimpiya mükafatçısı, üçqat dünya və üçqat Avropa çempionu Hacı Əliyev ötən ay Fərdi Dünya Kubokunda aldığı qabırğasındakı zədə səbəbindən bu yarışda iştirak edə bilməyəcək. Həmçinin, yunan-Roma güləşi üzrə millimizin dünya və Avropa çempionu Eldəniz Əzizliyə də istirahət verilib.
Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.
Honkonqda təşkil olunan Olimpiya Təsnifat turnirində qalib gələrək tarixi uğura imza atan Azərbaycanın qadınlardan ibarət 3x3 basketbol millisi Vətənə dönüb.
Bədii gimnastika üzrə Azərbaycan millisinin üzvləri Zəhra Cəfərova və Şəms Müvəffəgi Qırğızıstanın paytaxtı Bişkekdə keçirilən birinci “Kelechek” beynəlxalq turnirində yeddi qızıl medal qazanıblar.
Cüdo üzrə Bakı kəndləri birinciliyinin qaliblərininə Bakı Abadlıq Xidməti tərəfindən Azərbaycan istehsalı olan, keyfiyyətinə görə son illər gənclər arasında çox populyarlaşan “İSMA BİKES” velosipedləri və pul mükafatları təqdim olunub.
