Vətən müharibəsində şücaət göstərən hərbçilərimizin fədakarlıqları xalqımızın yaddaşında əbədi olaraq qalacaq.
“Report”un Cənub Mərkəzi xəbər verir ki, Lənkərandan ərazilərimizin bütövlüyü uğrunda döyüşlərə qatılan vətənpərvər gənclərimizdən olan 24 yaşlı Ramin Rəvvaq Rauf oğlunun qəhrəmanlığı da yaddaşlardan silinməyəcək.
Ramin Rəvvaq Lənkəran şəhərində anadan olub. Orta təhsilini başa vurduqdan sonra Azərbaycan Texnologiya Universitetini bitirib.
Qırx dörd günlük Vətən Müharibəsinin ilk günlərindən Füzuli şəhərindən Şuşayadək şanlı döyüş yolu keçib. Bu günlərdə Ramin Rəvvaq da ordudan tərxis olunaraq doğmalarına qovuşub. Onun Lənkərana qayıdışı rayonda əsl bayrama çevrilib.
Digər müharibə qəhrəmanları kimi onun da ilk ziyarət etdiyi məkan torpaqlarımızın azadlığı, ərazi bütövlüyümüz uğrunda canlarını fəda edən şəhidlərimizin uyuduğu məzarlıq olub.
Ramin Rəvvaq ağır döyüşlərdə şəhid olan yoldaşlarının qisasını alacağına söz verib. Vəd verib ki, ağır döyüşlərdə sağ qalsa, müharibədən sonra ziyarət edəcəyi ilk yer şəhidlərimizin uyuduğu məzarlıq olacaq. Belə də edib. Ağır döyüşlərdə şəhid yoldaşlarının qisasını alan Ramin Lənkəranda uyuyan Vətən müharibəsi qəhrəmanlarının məzarlarını ziyarət edib.
Qeyd edək ki, Vətən müharibəsi qəhrəmanı Ali Baş Komandan tərəfindən bir neçə medala layiq görülüb.
Naxçıvan Muxtar Respublikasında ilk milli hərbi hissənin yaradılmasının 31-ci ildönümü münasibətilə Əlahiddə Ümumqoşun Orduda silsilə tədbirlər keçirilib.
Ermənistan silahlı qüvvələrinə məxsus PUA-nın idarəetmə stansiyası məhv edilib.
İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.