“Əziz qardaşım İlham Əliyevin Fransaya bir tövsiyəsi var. O deyib ki, erməniləri bu qədər sevirlərsə, Marseli onlara versinlər. Mən də eyni məsləhəti verirəm”.
“HaberGlobal”ın məlumatına görə, bunu Türkiyə Prezidenti Rəcəb Tayyib Ərdoğan Aya Sofya məscid muzeyində çıxış edərkən bildirib.
O, həmkarı Emmanuel Makronu Fransanın başına bəla adlandıraraq, onun rəhbərliyi altında ölkənin çox təhlükəli dövr yaşadığını vurğulayıb.
“Ümid edirəm ki, Fransa Makron bəlasından qurtaracaq. “Sarı jiletlər” “qırmızı jiletlər”ə çevrilə bilər. İdarə olaraq hansı qərarı verəcəklərini görəcəyik”, - deyə o bildirib.
R.T.Ərdoğan, həmçinin, Minsk Qrupunun Qarabağ məsələsində vasitəçilik roluna toxunub və qeyd edib ki, Fransa artıq vasitəçilik rolunu itirib.
Xatırladaq ki, Azərbaycan Prezidenti İlham Əliyev Fransa Senatının Dağlıq Qarabağın “müstəqilliyini tanıması” ilə əlaqədar hökumətə çağırışına münasibət bildirərkən, Parisə “çox istəyirsə, Marseli ermənilərə vermələrini” təklif etmişdi.
“Azərbaycanı və Mərkəzi Asiyanı əsrlər boyu əməkdaşlıq və dostluq münasibətləri birləşdirir”.
Aprelin 24-də Azərbaycan Respublikasının Prezidenti İlham Əliyevin və Qırğız Respublikasının Prezidenti Sadır Japarovun iştirakı ilə Azərbaycan və Qırğızıstan Dövlətlərarası Şurasının 2-ci iclası keçirilib.
Aprelin 24-də Xəzər dənizinin ərazi sularında Hərbi Dəniz Qüvvələri (HDQ) ilə Fövqəladə Hallar Nazirliyinin (FHN) “Dalğa-2024” birgə taktiki təlimi keçirilir.
