Kəndimizin 40 faizi işğal altında idi. Nəhayət, onun da azad olunması xəbəri bizi sevindirdi. Arzum budur ki, tezliklə işğal altında olan bütün kəndlərimiz, torpaqlarımız işğaldan azad olunsun.
Bu sözləri realpress.az-a Beynəlxalq Avrasiya Mətbuat Fondunun (BAMF) prezidenti Umud Mirzəyev Ermənistan Silahlı Qüvvələrinin Azərbaycana qarşı törətdiyi təxribatlara cavab olaraq Azərbaycan Ordusunun keçirdiyi əks hücum nəticəsində işğaldan azad olunan torpaqlarımızla bağlı fikirlərini bölüşərkən deyib.
Füzuli rayonunun Aşağı Abdürrəhmanlı kəndindən olan Umud Mirzəyev bildirib ki, uzun illərdən sonra ata-baba yurdumuzun, kəndimizin işğaldan azad olunması məni sevindirir:
“Bu tək bizim yox, bütün xalqımızın qələbəsidir, sevincidir. Bizim kəndimiz 1993-cü il avqust ayının 17-dən etibarən işğal altındadır. İşğal olunan kəndimizdə ermənilər tərəfindən vandalizm aktları törədilib. Demək olar ki, daş üstündə daş qoymayıblar- yaşayış üçün zəruri olan hər şey talanıb. Apara bilmədikləri hər şeyi məhv edib, yandırıblar. Qəbirlər dağıdılıb, qəbirdaşlarının üzərindəki fotoların gözləri oyulub. Təbii ki, doğma kəndimizin işğaldan azad olunması qürurvericidir. Ümid edirəm ki, yaxın günlərdə Azərbaycan Ordusu Cəbrayılın, Zəngilanın, Qubadlının, Laçının, Kəlbəcərin, Ağdamın bütövlükdə Dağlıq Qarabağın işğaldan azad olunması xəbəri ilə xalqımızı sevindirəcək”.
U.Mirzəyev onu da əlavə edib ki, atasının məzarı dədə-baba yurdundadır:
“Mən hər ay rayonumuza gedirdim. İşğal altında olan kəndlərə yaxın ərazilər təhlükəli olsa da atam dünyasını dəyişərkən kənddə dəfn olunmasını vəsiət etdi. Biz atamın vəsiətinə uyğun olaraq onu kənddə erməni snayperindən 150 metr məsafədə dəfn etdik. Biz kəndimizdə 17 su quyusunu bərpa etmişik və kənd əhalisinin su təminatını təmin etməyə başlamışıq. İnşallah bundan sonra kəndimizə təhlükə olmadan gedəcəyik. Bu qələbəni böyük bir atəşfəşanlıqla, əzizlərimizlə birlikdə elə kəndimizdə qeyd edəcəyik”.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
