Dağlıq Qarabağ Azərbaycan Respublikasının suveren ərazisidir.
Bu barədə Gürcüstanın sabiq prezidenti Mixail Saakaşvili Azərbaycanın işğal olunmuş ərazilərində vəziyyətin kəskinləşməsinə münasibət bildirərkən bəyan edib.
Onun sözlərinə görə, Azərbaycanla Ermənistan arasındakı hərbi toqquşmalar bölgədə xalqların dincliyinə və rifahına biganə olmayanların hamısını narahat edir. Bu səbəbdən bölgədə vəziyyətin gərginləşməsini və insan tələfatını böyük ağrı ilə izləyir.
“Mənim mövqeyim aydındır, ərazi bütövlüyü prisipinə əsaslanır. Buna görə Dağlıq Qarabağ Azərbaycan Respublikasının suveren ərazisidir və heç bir şey bunu dəyişdirməyəcək”, - deyə o vurğulayıb.
Gürcüstanın sabiq prezidenti bildirib ki, yurd-yuvalarından çıxarılan hər bir şəxsin evlərinə qayıtma hüququ var.
“Gürcüstan üç Qafqaz dövlətinin dost münasibətlərində maraqlıdır”, - deyə M.Saakaşvili vurğulayıb.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
