Azərbaycan Premyer Liqasında III tura yekun vurulub.
realpress.az xəbər verir ki, turun ikinci oyun günündə daha iki qarşılaşma baş tutub.
Zirə Olimpiya İdman Kompleksində eyniadlı komanda “Sabah”ı qəbuledib.
Görüş qonaqların 2:0 hesablı qələbəsi ilə yekunlaşıb.
Turun mərkəzi oyunu Suraxanıda təşkil olunub.
Avrokuboklardan məğlubiyyətlə dönən iki komandanın - “Qarabağ”la “Neftçi”nin duelində ikincilər qalib gəlib – 2:1. Bununla da “Qarabağ” liderlikdən salınıb. Hazırda turnir cədvəlinə altı xalla “Sabah” klubu başçılıq edir.
Qeyd edək ki, turun ilk iki oyunu dünən keçirilib. “Qəbələ” – “Keşlə” matçında qolsuz bərabərlik qeydə alınıb, “Sumqayıt” isə öz meydanında “Səbail”i 2:1 hesabı ilə məğlub edib.
Azərbaycan Premyer Liqası
III tur
20 sentyabr (bazar)
“Zirə” – “Sabah” - 0:2
Qollar: Xulio Sezar Rodriges, 51, Kevin Kubemba, 90+2
“Qarabağ” – “Neftçi” - 1:2
Qollar: Kvabena Ovusu, 10 - Voyislav Stankoviç, 12, Namiq Ələsgərov, 68
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
