2020/2021-ci illər mövsümünün heyəti üçün çalışmalara başlayan “Sumqayıt” FK ilk olaraq baş məşqçi Ayxan Abbasovla müqaviləni yeniləyib.
realpress.az xəbər verir ki, 38 yaşlı mütəxəssis növbəti mövsümdə də bu komandanın sükanı arxasında olacaq.
“Ötən ilyarım ərzində qazandığımız nəticələr bizi sevindirir. Lakin bizdən asılı olmayan səbəblərə görə bəzi oyunçularımızı komandada saxlaya bilmədik. Bu ərəfədə “Sumqayıt”dan ayrılmaq mənim üçün ağır olardı. Ümidvaram ki, yenidən döyüşkən heyət qurub, həm Avroliqada, həm də Premyer Liqada mübarizə aparacağıq”, – deyə, Ayxan Abbasov klubun rəsmi saytına açıqlama verib.
Qeyd edək ki, “Sumqayıt” FK 2018-ci ilin noyabr ayından etibarən komandaya baş məşqçi təyin olunan Ayxan Abbasovun rəhbərliyi ilə tarixində ilk dəfə Azərbaycan Kubokunun finalına və UEFA Avropa Liqasının təsnifat mərhələsinə vəsiqə qazanıb.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.