Azərbaycan Milli Elmlər Akademiyasının Rəyasət Heyətinin binasının üzərindəki kiril əlifbasında olan hərflər sökülüb.
həmin hərflər latın qrafikası ilə yazılacaq. Hazırda Azərbaycan Milli Elmlər Akademiyası sözləri hazırlanır. Yaxın vaxtda binanın üzərinə quraşdırılacaq. Bu mövzuda isə fikirlər müxtəlifdir.
Tədqiqatçı Fuad Axundov bildirir ki, binada aparılan dəyişikliklər məqsədəuyğun deyil.
“Binanın üstündəki bütün hər şey o zəmanənin yadigarıdır. Hər bir dövr, hər bir zəmanə bu binanın üzərində öz izini qoyub. Onların hər biri tarixin özüdür, tarixi silmək olmaz”, - deyə Fuad Axundov qeyd edir.
Tarix üzrə fəlsəfə doktoru Qənirə Pirquliyevanın sözlərinə görə, Bakının hər bir qədimi binasında tarixin bir işarəsi var. Onların hər biri öz dövrünün əks sədasını verir və tarixi əlamət kimi orada qalmalıdır.
“Mən təklif edərdim ki, həmin yazılar olduğu kimi qalsın, onun alt tərəfində latın qrafikası ilə yenidən yazı yazılsın. Bu zaman isə tarix qorunar”, - deyə Qənirə Pirquliyeva bildirir.
Tarixçi Məzahim Mustafazadə isə qeyd edir ki, binanın üzərində kiril əlifbasında olan hərflərin sökülməsi təqdirəlayiq addımdır. 1991-ci il oktyabrın 18-dən müstəqillik qazandığımızı nəzərə alsaq, bu hələ gecikdirilmiş prosesdir.
Hər halda, ziyalıların mövqeyindən belə aydın olur ki, tarixi binanın üzərindən yazının götürülməsi elə də düzgün addım olmayıb. Biz bu məsələni işıqlandırdıq, geriyə isə siz tamaşaçıların fikirləri qalır.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
