Hindistanda ötən sutka ərzində COVID-19 infeksiyasına 26 min 506 yoluxma qeydə alınıb. Bu, Hindistanda gündəlik yoluxma üzrə yeni rekorddur. Ardıcıl 8 gündür ki, Hindistanda gündəlik yoluxma sayı 20 mindən yuxarı olur.
Hindistanın Federal Səhiyyə Nazirliyinin açıqlamasına istinadla xəbər verir ki, ölkədə ümumi yoluxma hallarının sayı 793 min 802 nəfərə çatıb. Ötən sutka COVID-19 səbəbindən 475 ölüm baş verib. Bununla da Hindistanda pandemiya qurbanlarının sayı 21 min 604-ə yüksəlib.
Nazirlik virusa yoluxanların təxminən 62 faizinin sağaldığını açıqlayıb.
Qeyd edək ki, Hindistan COVID-19 virusuna yoluxanların sayına görə, ABŞ və Braziliyanın ardından 3-cü sıradadır. Ən pis vəziyyət Maharştra və Tamil Nadu ştatlarında, paytaxt Dehlidədir. Bu bölgələrin hər birində ümumi yoluxma sayı 100 mindən yuxarıdır.
Türkiyə Prezidenti Rəcəb Tayyib Ərdoğan Ankarada Almaniya Prezidenti Frank Valter-Ştaynmayerlə görüşüb.
İspaniyada səfərdə olan "Sumqayıt" klubunun baş məşqçisi Samir Abasovun "Barselona"nın "sükanı arxasında" olan Xavi Ernandeslə görüşü nəzərdə tutulub.
