Noyabrda Bakıda paracüdo üzrə Qran-Pri yarışı keçirilə bilər.
realpress.az xəbər verir ki, Beynəlxalq Görmə Məhdudiyyətli İdmançılar Assosiasiyası (IBSA) yarışların yenilənmiş təqvimini dərc edib.
Təqvimə əsasən, 13-19 noyabr tarixlərində paracüdo idman növü üzrə Qran-Pri, beynəlxalq təlim-məşq toplantısı və tibbi göz təsnifatının Bakıda keçiriləcəyi gözlənilir. Bu yarışla bağlı yekun qərar dünyada tətbiq edilmiş karantin rejiminin vəziyyətindən asılı olaraq qəbul ediləcək.
Xatırladaq ki, daha əvvəl IBSA Milli Paralimpiya Komitəsinə noyabrda Bakıda paracüdo üzrə Dünya Kubokunun keçirilməsi üçün müraciət etmişdi.
Eyni zamanda, 2021-ci ilin may ayında Bakıda paracüdo üzrə Qran-Pri yarışının keçirilməsi barədə Azərbaycan Milli Paralimpiya Komitəsi və Beynəlxalq Görmə Məhdudiyyətli İdmançılar Assosiasiyası arasında razılıq əldə edilib.
Qeyd edək ki, 2021-ci il may ayında keçiriləcək Qran-Pri gələn il Tokioda keçirilməsi planlaşdırılan Yay Paralimpiya Oyunları öncəsi sonuncu təsnifat yarışı olacaq.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.