Kreditlər dövlətin sahibkara ən böyük dəstəyidir

Kreditlər dövlətin sahibkara ən böyük dəstəyidir
08 İyul 2020 17:10

Pandemiya ilə əlaqədar görülən tədbirlərin biznesə mənfi təsirlərinin aradan qaldırılması üçün dövlət sahibkarlara dəstəyini davam etdirir. İqtisad üzrə fəlsəfə doktoru, ekspert Xalid Kərimli qeyd edib ki, dövlətin sahibkarlığa dəstəyini bir neçə istiqamət üzrə qiymətləndirmək mümkündür:

1. Sahibkarların mövcud maliyyələşdirmə xərclərinin minumumlaşdırılması və pandemiya ilə əlaqədar ziyanın aşağı salınması. 2020-ci ilin mart ayına qədər 5 milyon manatadək kredit qalığı olan sahibkarlara mart ayından başlayaraq 12 ay ərzində faiz xərclərinin 10% bəndi dövlət tərəfindən qarşılanır. Bunun üçün şirkətin pandemiyadan zərər çəkən sahələrdə olmasının tanınması və kreditin dövlət zəmanətli olmaması lazımdır. Bu istiqamətdə 1 milyard manat kredit dəstəyi nəzərdə tutulur.
2. Sahibkarların müflisləşmə riskinin aşağı salınması və borclarının restrukturizasiyasına və maliyyə resurslarından səmərəli istifadəsinə şərait yaradılması. Sahibkarlığa İnkişafı Fondu və İpoteka və Kredit Zəmanət Fondu vasitəsilə verilmiş kreditlərin restrukturizasiyası və ödənişinə möhlət verilməsi dəstəyi sahibkarlara satış gəlirlərinin kəskin azaldığı indiki dövrdə likvidlik problemlərilə üzləşməsi riskini aşağı salmağa və sərbəst maliyyə resurslarından daha səmərəli istifadə etmələrinə şərait yaradacaqdır.
3. Biznesin inkişaf etdirilməsi. Girovu olmayan sahibkarlara avadanlıq almaq üçün kreditlər həm mövcud avadanlıq parkının yenilənməsinə, həm də yeni avadanlıqların alınmasına imkan verəcək ki, bu da müəssisələrin yenidən inkişafa yönəlməsinə imkan yaradacaq. Bu istiqamətdə bankların faiz dərəcəsinin 7% olacağı nəzərdə tutulur, çünki bu faizdən yuxarı hissəni dövlət qarşılayacaq.
4. Kənd təsərrüfatı üzrə uzunmüddətli investisiya tələb edən sahələrdə kiçik kreditlərin müddətinin artırılması və güzəşt müddətinin kredit dövrünün yarıyadək qaldırılması bu sahədə fəaliyyət göstərən sahibkarların kredit resurslarına əlçatanlığını artıracaq.
5. 500 milyon manat həcmində yeni biznes kreditinin 60%-dək hissəsinə dövlət zəmanəti verilməsi, həmçinin həmin kreditlərin faizlərinin yarısının dövlət tərəfindən qarşılanması sahibkarlara yeni layihələrə başlamağa və öz bizneslərini genişləndirməyə imkan verəcəkdir. Nəzərə almaq lazımdır ki, 3 ilədək verilən bu kreditlərin məbləği 3 milyon manatadək ola bilər ki, bu da özlüyündə böyük maliyyə resursudur. Bundan əlavə, ilk 12 ay sahibkar üçün güzəşt müddəti hesab edilir, yəni bu müddətdə o yalnız bank faizlərini ödəyəcək. Yeri gəlmişkən, bank faizlərinin yarısı da dövlət tərəfindən qarşılanır.
Kreditlərin verilməsində şəffaflıq və operativliyin təmin edilməsi məqsədilə yaradılmış elektron platforma da (https://e-edf.gov.az/) nəzərdə tutulmuş dəstək paketinin effektiv reallaşdırılmasına imkan verəcəkdir. Elektron portalın əsas üstünlüyü odur ki, operativliyi və şəffaflığı təmin edir, həmçinin tərəflərin izlənməsinə şərait yaradır. Elektron Kredit platformasının əsas üç istiqamətdə-şəffaflıq, operativ xərclərin aşağı salınması və nəzarət tədbirlərinin genişləndirilməsi kimi üstünlüyü vardır.


13 Dek 2023
İqtisadiyyat

Mikayıl Cabbarov Yurgen Riqterink ilə görüşüb - FOTO

İqtisadiyyat naziri Mikayıl Cabbarov Yurgen Riqterink  ilə görüşüb.

6 Noy 2023
İqtisadiyyat

Rusiya vilayətində fövqəladə vəziyyət elan olundu - FOTO/VİDEO

Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.

2 Noy 2023
İqtisadiyyat

Mikayıl Cabbarov: “Vergi güzəştlərinin hazırlanması metodologiyası üzərində iş gedir”

“Azərbaycanda vergi güzəştlərinin hazırlanması metodologiyası üzərində iş gedir”.

2 Noy 2023
İqtisadiyyat

Mikayıl Cabbarov: “Azərbaycanda müzakirəyə çıxarılan büdcə layihəsi mürəkkəb qlobal şəraitə təsadüf edir”

Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.

25 Okt 2023
İqtisadiyyat

Hindistanın ticarət və sənaye üzrə dövlət naziri ilə görüş keçirilib - YENİLƏNİB + FOTO

Azərbaycan və Hindistanla iqtisadi-ticarət əlaqələrinin genişləndirilməsi məsələləri müzakirə olunub.