Azərbaycana 168 min fərdi qoruyucu vasitə gətirildi - FOTO

Azərbaycana 168 min fərdi qoruyucu vasitə gətirildi - FOTO
01 İyul 2020 18:03


Avropa İttifaqı (Aİ) tərəfindən maliyyələşdirilən və Ümumdünya Səhiyyə Təşkilatının (ÜST) həyata keçirdiyi “Sağlamlıq üçün həmrəylik təşəbbüsü” layihəsi çərçivəsində Azərbaycandakı tibb işçilərinə COVID-19 pandemiyası ilə effektiv və təhlükəsiz mübarizə aparmaqda kömək etmək məqsədilə respirator maska, qoruyucu eynək, şəffaf maska və qoruyucu kombinezonlar ölkəyə gətirilib.

Ölkəyə gətirilən 168 min ədəd fərdi qoruyucu vasitənin 10 mini şəffaf maska, 10 mini qoruyucu eynək, 8 mini qoruyucu kombinezon və 140 mini respirator maskadır. Virusla ön cəbhədə mübarizə aparan tibb işçilərinin təhlükəsizliyi üçün göndərilən bütün avadanlıqların keyfiyyət və təhlükəsizlik standartlarına cavab verməsi yoxlanışdan keçirilib.

Avropa İttifaqının Azərbaycandakı nümayəndəliyinin rəhbəri Kestutis Yankauskas bildirib ki, iki illik layihənin birinci hissəsində səhiyyə sisteminin gücləndirilməsinə yardım etmək nəzərdə tutulub: “Bundan sonra da ölkəyə fərdi qoruyucu vasitələr gətiriləcək. Layihənin ikinci hissəsi səhiyyə sisteminin potensialının artırılmasına yönələcək. Bu, ümumi qlobal çağırışdır. Bu yardım Şərq Tərəfdaşlığının digər ölkələrinə də göstərilir. Növbəti iki ildə də həmin yardımlar davam edəcək. Lakin bilmək lazımdır ki, virusla mübarizə üçün hər kəs öz davranışına cavabdeh olmalıdır. Biz gərək məsuliyyətli davranaq ki, onunla düzgün mübarizə aparaq və sonda qalib ayrılaq. Aİ bir çox sahələrdə Azərbaycana yardım edir. Budəfəki yardım isə səhiyyə ilə bağlıdır”.

ÜST-ün Azərbaycandakı nümayəndəsi Hande Harmancının sözlərinə görə, iki il davam edəcək layihə çərçivəsində həm ölkəyə qoruyucu vasitələr gətiriləcək, həm də Azərbaycan hökuməti ilə texniki cəhətdən əməkdaşlıq ediləcək: “Pandemiya ilə mübarizənin ön cəbhəsində həkimlər və tibb işçiləri yer alırlar. Fərdi qoruyucu vasitələr onların virusdan qorunması üçün önəmlidir. Sadəcə maska taxmaq deyil, onu düzgün və yerində taxmaq da vacibdir. Bununla bağlı təlimlər keçirilir. Həmin təlimlər yenə də davam etdiriləcək”, - deyə, H.Harmancı diqqətə çatdırıb.

Qeyd edək ki, həmin fərdi qoruyucu vasitələr bu gündən etibarən pandemiya ilə mübarizəyə ayrılmış tibb müəssisələrinə paylanılacaq.


28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.