Bu ilin martında Bakıda keçirilməli olan, lakin koronavirus pandemiyasına görə ləğv olunan karate üzrə Avropa çempionatının medalları xatirə kimi təqdim olunacaq.
Bunu realpress.az-a Azərbaycan Milli Karate Federasiyasının prezidenti Yaşar Bəşirov deyib.
“Avropa çempionatı üçün sifariş etdiyimiz qızıl, gümüş və bürünc medallara görə zərərə düşdük. Ancaq onlardan səmərəli istifadə etmək lazım olduğunu düşünürük. Buna görə də, gələn ilin martında Premyer Liqa yarışı kimi keçirəcəyimiz Baku Open turnirində həmin medalları qaliblərə əsas medallara əlavə xatirə suveniri kimi təqdim etmək istəyirik.
Düzdür, Baku Open turniri Premyer Liqa olacağından, burada tək Avropadan yox, digər qitələrdən də karateçilər yarışacaq. Bu səbəbdən bəlkə həmin yarışda medalları qeyri-avropalı karateçilərə verməyimiz düzgün olmaz.
Başqa variant kimi, gələn il İsveçin Geteborq şəhərində keçiriləcək Avropa çempionatında medalları suvenir kimi təqdim edə bilərik. Artıq bu barədə Ümumdünya Karate Federasiyasının prezidenti Antonio Espinosa da məlumat vermişəm. O, bu təklifi yaxşı qarşılayıb”.
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
