Kərim Sadıqzadə Təbrizi: “Təqaüdçülərin 85 faizi yoxsulluq həddindən aşağı səviyyədə yaşayır”

Kərim Sadıqzadə Təbrizi: “Təqaüdçülərin 85 faizi yoxsulluq həddindən aşağı səviyyədə yaşayır”
29 İyun 2020 17:21


“Təqaüdçülərin 85 faizi yoxsulluq həddindən aşağı səviyyədə yaşadığı halda, rəsmilər onlar barədə ciddi düşünməlidir, lakin boş sözlər və vədlərlə heç bir problem öz həllini tapmayacaq”.

Bunu İranın Şərqi Azərbaycan vilayətinin Təqaüdçülər Birliyinin sədr müavini Kərim Sadıqzadə Təbrizi bildirib.

Mövcud inflyasiya səviyyəsi və cəmiyyətdəki iqtisadi reallıqlar fonunda fəhlələrin və təqaüdçülərin yaşayış problemlərinin hələ də davam etdiyini qeyd edən K.Sadıqzadə sözlərini belə davam etdirib:

“Mən Şərqi Azərbaycan vilayətinin 184 min təqaüdçü fəhləsinin nümayəndəsi olaraq, parlament üzvlərini maaşların artırılması haqqında qanunun dəqiq icrası ilə bağlı məsələ qaldırmağa və buna nail olmağa çağırıram. Təqaüdçülərin boş süfrələri ölkəyə əsla başucalığı gətirmir”.

Onun sözlərinə görə, təqaüdçülər Sosial Müdafiə Təşkilatından praqmatik olmağı gözləyirlər, onların dərdlərini sözdə bölüşməyi deyil.

Sözügedən təşkilat 30 illik zəhmət və xidmətdən sonra təqaüdə çıxmış əhalinin bu qrupunun problemlərinin həlli üçün ciddi tədbirlər görməli və layiqli xidmət göstərməlidir.

3 İyul 2020
Dünya

Fransaya yeni baş nazir təyin edildi

Jan Kasteks Fransanın yeni baş naziri təyin edilib.

3 İyul 2020
Dünya

İsveçrədə koronavirusa yoluxanların sayı 32 mini ötdü

İsveçrədə son sutka ərzində 134 yeni COVID-19 hadisəsi aşkar edilib. Bununla da ölkədə epidemiyanın əvvəlindən bəri virusa yoluxanların ümumi sayı 32 101 nəfərə çatıb.

3 İyul 2020
Dünya

Türkiyə ordusu İraqın şimalını bombaladı

Türkiyənin Hərbi Hava Qüvvələrinə məxsus qırıcı təyyarələr İraqın şimalına raket zərbələri endirib.