Könüllülərdən sosial məsafəyə diqqət çəkən addım - FOTO

Könüllülərdən sosial məsafəyə diqqət çəkən addım - FOTO
29 İyun 2020 15:37


Azərbaycan Könüllülərinin Əlaqələndirmə Mərkəzinin (AKƏM) çətiri altında fəaliyyət göstərən könüllülər yeni növ koronavirus (COVID-19) pandemiyası şəraitində Prezident İlham Əliyevin “Biz birlikdə güclüyük!” şüarı altında növbəti kreativ aksiya keçiriblər.

Belə ki, koronavirus infeksiyasından qorunma məqsədilə karantin rejiminin tələblərinə uyğun olaraq, ictimai yerlərdə sosial məsafənin təmin olunması ilə bağlı şifahi şəkildə aparılan maarifləndirmənin səmərəli olduğu, lakin xüsusi karantin rejimi şəraitində hər bir vətəndaşı əhatə etməyin mümkünsüzlüyünü nəzərə alan könüllülər parklarda, yeraltı keçidlərin qarşısında və səkilərdə ara məsafəsinin qorunmasının vacibliyini xatırladan xüsusi istiqamətverici işarələrlə hamını məsafə saxlamağa və bir-birimizi infeksiyaya yoluxmaqdan qorumağa dəvət ediblər.

Aksiyanın özəlliyi ondan ibarətdir ki, könüllülərin həmin ərazidə daim olmasını və hər bir şəxslə ayrıca maarifləndirici söhbət aparmasını zəruri etmir. Vətəndaşlar yerdə çəkilən işarələrlə xatırlatma əldə edir, bu işarələrlə hərəkət etməklə sosial məsafəni qoruyur və infeksiyanın yayılmasının qarşısını almağa töhfə vermiş olurlar.

Təqdirəlayiq haldır ki, aksiyada iştirak edən könüllülər karantin rejiminin qaydalarına tam riayət edərək, öz fəaliyyətlərini yaşayış yerlərinə yaxın ərazidə, SMS icazə sisteminin yaratdığı iki saatlıq açıq havada olma hüququndan istifadə etməklə həyata keçiriblər.

Bu aksiya hazırda ölkəmizin Balakən, Zaqatala, Qəbələ, Göygöl, Goranboy, Saatlı, Şamaxı, Tərtər rayonlarında başlayıb və respublikanın digər rayon və şəhərlərini də əhatə etməsi nəzərdə tutulur. 


28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.

28 Mar 2024
Cəmiyyət

Xətaidə qumbaralar tapıldı - FOTO/VİDEO

Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Xətai rayonu ərazisində hərbi sursatın aşkar edilməsi barədə məlumat daxil olub.

28 Mar 2024
Cəmiyyət

Uşaq bağçalarında müdir vəzifəsinə qəbulun test mərhələsinin vaxtı AÇIQLANDI

Məktəbəqədər təhsil müəssisələrində müdir vəzifəsinə işə qəbulun test imtahanı mərhələsi keçiriləcək.