“Avroviziya 2013”ün milli seçimində iştirak etdikdən sonra şöhrət qazanan müğənni Ləman Dadaşovadan xəbər var.
realpress.az xəbər verir ki, 2020-ci ildə ifaçı “Avroviziya” Mahnı Müsabiqəsinin milli seçimində özünü sınayıb.
Bu yaxınlarda L.Dadaşova yeni musiqi layihəsini – “Köz” mahnısını və ona çəkilmiş klipini pərəstişkarlarına təqdim edib.
Müğənni mahnı haqqında fikirlərini bölüşüb:
“Bu qarışıq zamanda, dünyanı koronavirus pandemiyası əhatə edən dövrdə, düşünürəm ki, hər kəs həyatdan həzz almağa davam etmək, adi şeyləri və məqamları yenidən qiymətləndirmək bacarığını hiss etməlidir. Bəzən saatı geri çevirib ürəklərimizə əziz olan, sevgi hissi ilə dolu bəzi məqamları geri qaytarmaq istəyirik. Əminəm ki, hər kəs bu mahnını özünə görə anlayacaq və yaşayacaq”.
Qeyd edək ki, 2020-ci ilin yay mövsümünün hitlərindən biri olmaq üçün hər şansa sahib olan “Köz” mahnısının musiqisi və sözlərinin müəllifi - Abbas İsmayılov, rejissoru Toğrul Həsənovdur.
Xüsusi olaraq klip üçün L.Dadaşovanın imicini top stilist Anar Ağakişiyev kökündən dəyişdirib. İdeya müəllifi və layihə rəhbəri Səmra Axundovadır. L.Dadaşova öz komandası ilə tezliklə bir sıra yaradıcı layihələri həyata keçirməyi planlaşdırır.
Məşhur müğənninin konserti təxirə salınıb.
Türkiyənin məşhur müğənnisi Mustafa Sandal Bakıya gəlib.
Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək.
