Beynəlxalq İdman Araşdırmaları Mərkəzi (CIES) dünyanın 84 liqasında çıxış edən klublar və onların baş məşqçiləri ilə bağlı apardığı araşdırmanın nəticələrini açıqlayıb.
realpress.az xəbər verir ki, hesabatda 2015-19-cu illərdə öz ölkəsinin yüksək liqasında çıxış edən klubların bu müddətdə neçə baş məşqçiyə güvəndiyi əksini tapıb.
Yalnız 30 komanda bu müddətdə çalışdırıcısını dəyişməyib. Rekordçular sırasında Ağdamın “Qarabağ” klubu da var. Son illərin dəyişməz Azərbaycan çempionu 2015-ci il yanvarın 1-dən 2019-cu il dekabrın 31-dək olan dövrdə yalnız Qurban Qurbanova etimad göstərib.
Eyni göstəriciyə malik digər 29 klub arasında “River Pleyt” (Argentina), “Aberdin” (Şotlandiya), avrokuboklarda ötənilki rəqiblərimizdən “Uypeşt” (Macarıstan), “Kopenhagen” (Danimarka), “Sperantsa” (Moldova) da var.
Digər Azərbaycan klublarına gəlincə, hesabat dövründə Premyer Liqanın daimi iştirakçılarından “Qəbələ” və “Sumqayıt” hərəyə dörd, “Keşlə” altı, “Neftçi” isə səkkiz baş məşqçiyə bel bağlayıb. Dünyanın antirekordçusu isə Boliviyanın “Real Potosi” klubudur. Bu komandanı sözügedən müddətdə 20 mütəxəssis çalışdırıb.
Qeyd edək ki, Azərbaycanın Premyer Liqasının orta göstərisici hər kluba 4,4 baş məşqçidir. Antirekord Boliviyada (9,1), rekord MLS, İslandiya, Şimali İrlandiya və İsveçdədir – 2,6.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
