SOCAR Tümendə tibb işçilərinə yardım edib - FOTO

SOCAR Tümendə tibb işçilərinə yardım edib - FOTO
22 May 2020 17:36


Azərbaycan Respublikası Dövlət Neft Şirkətinin (SOCAR) törəməsi - Rusiyanın Tümen vilayətində yerləşən Antipino Neft Emalı Zavodunun səhmdarı olan “SOCAR Enerqoresurs” şirkəti pandemiya ilə mübarizə aparan tibb işçilərinə yardım edib.

Bu barədə yerli mətbuat xəbər yayıb.

Məlumata görə, “SOCAR Enerqoresurs” şirkəti tümenli həkimlər üçün “Rezerv” mərkəzinə bir neçə min vahid fərdi müdafiə vasitələri yollayıb.

“Tümenli həkimlər hər gün koronavirusa yoluxan insanların həyatını xilas edir. Vəzifəmiz tibb işçilərinə sağlamlıqlarını qorumağa kömək etməkdir. Bu gün biz “Rezerv” mərkəzinə “SOCAR Enerqoresurs” şirkətinin Antipino Neft Emalı Zavodunun səhmdarının vəsaiti hesabına alınan iki min tondan artıq antiseptik, respirator, papaq, əlcək göndərdik”, - deyə, zavodun müdir müavini Kirill Baxmetyev bildirib.

Fərdi müdafiə vasitələrinin ümumi dəyəri 3 milyon rubl (71 765 AZN) olub. Əlavə 3 milyon rubl da “SOCAR Enerqoresurs” şirkəti tərəfindən “Virusa qarşı birlikdə” layihəsi çərçivəsində Tümen şəhərinin Xeyriyyə İnkişaf Fonduna köçürülüb.

Yaxın günlərdə Antipino Neft Emalı Zavodunun səhmdarı tibb işçiləri üçün müdafiə vasitələrinin üçüncü partiyasını yollayacaq.

Ötən ayın sonunda isə “SOCAR Enerqoresurs” şirkəti “Rezerv” mərkəzi üçün 3 700 müdafiə kombinezonu yollamışdı.


3 İyul 2020
İqtisadiyyat

Neftin qiyməti ucuzlaşıb

Dünya birjalarında neftin qiyməti ucuzlaşır.

2 İyul 2020
İqtisadiyyat

İdxal olunan benzinin qiymətinin artması ölkənin yanacaq balansına təsir etməyəcək - TƏHLİL

Bu ilin mart ayında dünyada neft qiymətlərinin aşağı düşməsi, həmçinin koronavirus pandemiyası şəraitində tətbiq olunan fərdi nəqliyyat vasitələrinin hərəkətini məhdudlaşdırmaq tədbirləri bir sıra ölkələrdə pərakəndə benzin satışı qiymətlərinin görünməmiş dərəcədə ucuzlaşmasına səbəb oldu. Bu proseslər Azərbaycanın yanacaq bazarına da təsir etdi; idxal olunan yüksək oktanlı benzinin qiymətləri mart və may aylarında ucuzlaşdı. Lakin iyun ayının sonunda bazar konyunkturasında dəyişiklik dünya miqyasında yanacaq qiymətlərinin artmasına səbəb oldu, bu da təbii olaraq Azərbaycana idxal olunan “Premium Euro-95”in pərakəndə satış qiymətlərinə təsir etdi.

1 İyul 2020
İqtisadiyyat

Sahibkarlığın güzəştli maliyyələşdirilməsində YENİ MEXANİZMLƏR -VİDEO

Məlum olduğu kimi, Azərbaycan Respublikası Prezidentinin 4 iyun 2020-ci il tarixli fərmanı ilə Sahibkarlığın İnkişafı Fondunun vəsaiti hesabına güzəştli kreditlərin verilməsi Qaydası təsdiq olunub və Fondun nizamnaməsində dəyişikliklər edilib.