Mingəçevirdə polis zabiti vətəndaşa işgəncə verib? - AÇIQLAMA

Mingəçevirdə polis zabiti vətəndaşa işgəncə verib? - AÇIQLAMA
22 May 2020 16:03


Daxili işlər Nazirliyi Mingəçevirdə polis zabitinin vətəndaşa işgəncə verməsi ilə bağlı yayılan xəbərlərə aydınlıq gətirib.

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov realpress.az-ın sorğusuna cavab olaraq bildirib ki, bəzi xəbər saytlarında tirajlanan Mingəçevir şəhər sakini Mirzə Mirzəyevin polis əməkdaşı tərəfindən döyülməsi ilə bağlı iddialar əsassızdır və həqiqəti əks etdirmir:

“Mayın 17-də Mingəçevir Şəhər Polis Şöbəsi əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat tədbiri nəticəsində Mirzə Mirzəyev saxlanılıb. Şəxsi axtarış zamanı ondan yeddi ədəd kağız bükümdə satış məqsədilə üzərində daşıdığı narkotik vasitə olan heroin və elektron tərəzi aşkar edilərək götürülüb. 

M.Mirzəyev Cinayət Məcəlləsinin müvafiq maddəsinə əsasən şübhəli şəxs qismində tutulub. O, törətdiyi cinayət əməlini etiraf edib. Onun guya ŞPŞ-də döyülməsi iddiası tamamilə uydurmadır”.

“Qeyd edim ki, M.Mirzəyev əvvəllər də oğurluq və digər cinayət əməllərinə görə dəfələrlə məhkum olunub. 2019-cu ildə azadlığa çıxdıqdan sonra islah olunmayaraq, yenidən cinayət əməllərini davam etdirib.

Belə ki, ötən ilin sonlarında azadlığa çıxdıqdan bir neçə gün sonra mənzil oğurluğuna görə, bir neçə gün öncə isə Mingəçevir ŞPŞ əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat zamanı məsuliyyətə cəlb edilib”, - deyə DİN rəsmisi əlavə edib.

Xatırladaq ki, bəzi xəbər saytlarında Mingəçevir şəhər sakini M.Mirzəyevə polis əməkdaşı tərəfindən işgəncə verilməsi ilə bağlı məlumat yayılıb.


13 Avq 2020
Siyasət

Azərbaycan ərazisindən keçməklə İrandan Rusiyaya 1,5 milyard dollar həcmində yük daşınıb

Cari ilin ötən dövrü ərzində İran Rusiyaya 1,5 milyard dollar həcmində ixrac əməliyyatı həyata keçirib.

13 Avq 2020
Siyasət

Hulusi Akar: “Sonadək Azərbaycanın yanındayıq”

Xocalıda bütün dünyanın gözü qabağında soyqırımı törədən, Dağlıq Qarabağı işğal edən Ermənistana qarşı bütün imkanlarımızla Azərbaycanın, azərbaycanlı silahlı yoldaşlarımızın sonunadək yanındayıq. Azərbaycan yalnız deyil”.

13 Avq 2020
Siyasət

Azərbaycanda general-leytenantın qardaşı oğlu külli miqdarda heroinlə tutuldu

Daxili İşlər Nazirliyi (DİN) Baş Narkotiklərlə Mübarizə İdarəsinin əməkdaşlarının keçirdiyi əməliyyat nəticəsində saxlanılan şəxslərdən biri Daxili İşlər nazirinin sabiq müavini Əsgər Ələkbərovun qohumudur.

13 Avq 2020
Siyasət

Prezident büdcəyə dəyişiklikləri təsdiqlədi

“Azərbaycan Respublikasının 2020-ci il dövlət büdcəsi haqqında” qanuna dəyişikliklər qüvvəyə minib.

13 Avq 2020
Siyasət

İlham Əliyev və Vladimir Putin arasında telefon danışığı olub

Avqustun 12-də Azərbaycan Respublikasının Prezident İlham Əliyev Rusiya Federasiyasının Prezidenti Vladimir Putinə telefonla zəng edib.