Azərbaycanın olimpiya çempionu koronavirusa yoluxdu

Azərbaycanın olimpiya çempionu koronavirusa yoluxdu
20 May 2020 10:07


Azərbaycanın sərbəst güləş üzrə Avropa, dünya və olimpiya çempionu Şərif Şərifov koronavirusa yoluxub.

Bu barədə Report-a 32 yaşlı idmançının özü məlumat verib. 

Hazırda Rusiyada - Dağıstan Respublikasının paytaxtı Mahaçqalada olan titullu pəhləvan ailə üzvlərinin də pandemiyadan əziyyət çəkdiyini bildirib. O, artıq hər şeyin qaydasında olduğunu açıqlayıb: 

“Mən də bu virusa yoluxmuşdum. Bütün ailəmiz - mən, həyat yoldaşım, anam, atam, bacım xəstələndi. Sanki hamı bir-birinə ötürdü. Bu, adi qrip deyil, təhlükəli virusdur. Hətta anam ağciyərin ikitərəfli pnevmoniyası diaqnozu ilə xəstəxananın reanimasiya şöbəsinə yerləşdirilmişdi.

O, mayın 19-da evə buraxıldı. Anamdan fərqli olaraq, mən xəstəliyi yüngül formada keçirdim. Sadəcə, qızdırma və ağrılarım var idi”.

Artıq bir həftədir sağaldığını deyən Şərifov hazırda özünü yaxşı hiss etdiyini diqqətə çatdırıb.

Qeyd edək ki, Şərif Şərifov 2011-ci ildə dünya, 2012-ci ildə olimpiya (hər ikisi 84 kq), 2019-cu ildə isə Avropa çempionu (92 kq) olub. O, ötən il Qazaxıstanın paytaxtı Nur-Sultanda keçirilmiş dünya çempionatında (97 kq) gümüş medal və Tokio-2020 Yay Olimpiya Oyunlarına lisenziya qazanıb. 

26 May 2020
İdman

Deputatdan Azərbaycanın idman siyasəti ilə bağlı maraqlı paylaşım - VİDEO

Deputat Ülvi Quliyev sosial media hesabında Azərbaycanın idman siyasətinə həsr olunmuş video paylaşıb.

26 May 2020
İdman

Koronavirusa yoluxmuş azərbaycanlı jurnalistə serbiyalı futbolçudan dəstək - FOTO

“Neftçi”nin sabiq futbolçusu, hazırda “Sabah” klubunun qapıçısı olan Saşa Stamenkoviç koronavirusa yoluxmuş idman jurnalisti Anar Cəfərsoya və onun anasına maddi baxımdan yardım edib.

25 May 2020
İdman

Aleksandr Əliyev: “Məşqçimizə görə UEFA kubokunda finala çıxa bilmədik”

Kiyev “Dinamo”sunun keçmiş futbolçusu Aleksandr Əliyev komandasının 2008-2009-cu illər mövsümündə “Şaxtyor”a məğlub olaraq UEFA kubokunun finalına çıxa bilməməsində baş məşqçi Yuri Syomini günahlandırıb.

25 May 2020
İdman

20 min avroluq “İpək Yolu Kuboku” başlayır: Bütün iştirakçılar məlumdur

28 May – Azərbaycanın Respublika Günü və 26 May – Gürcüstanın Müstəqillik Gününə həsr edilən şahmatın blits növü üzrə onlayn “İpək Yolu Kuboku” (Silk Way Cup) turnirinin iştirakçıları bəlli olub.

25 May 2020
İdman

Hakan Çalhanoğlu: “İbrahimoviçin azarkeşlik etdiyi türk klubu var”

İtaliyanın “Milan” klubunda forma geyinən türkiyəli ulduz futbolçu Hakan Çalhanoğlu komanda yoldaşı Zlatan İbrahimoviçin Türkiyədə azarkeşlik etdiyi bir klub olduğunu açıqlayıb.