Bakıda 4400 manatlıq qoyun oğurlanıb

Bakıda 4400 manatlıq qoyun oğurlanıb
15 May 2020 15:15


Son günlər Azərbaycan paytaxtında daxili işlər orqanları tərəfindən şəxsi əmlak oğurluğu ilə bağlı 20 fakt qeydə alınıb.

Bu barədə realpress.az-a hüquq-mühafizə orqanlarından məlumat verilib.

İyirmi oğurluq faktından səkkizinin üstü açılıb. Bundan əlavə, Daxili İşlər Nazirliyinin paytaxt bölmələri daha əvvəl üç şəxsi əmlak oğurluğunun üstünü açıblar.

Belə ki, mayın 14-də Suraxanı rayonunun Əmircan qəsəbəsində 1964-cü il təvəllüdlü Nərgiz Tapdıqova qarət edilib. Naməlum şəxs pəncərənin dəmir barmaqlıqlarını qıraraq, qadının evinə daxil olub. Bu yolla 6 000 manat pul və 2 000 manat dəyərində qızıl-zinət əşyaları oğurlanıb.

Mayın 14-nə keçən gecə naməlum şəxslər tövlə qapısının kilidini sındıraraq, 1978-ci il təvəllüdlü Şüvəlan qəsəbə sakini Fuad Qəhrəmanova məxsus, ümumi dəyəri 4 400 manat olan qoyun sürüsünü oğurlayıblar.

Sabunçu rayonunun Balaxanı qəsəbəsində isə 1962-ci il təvəllüdlü Ceyhun Xeyrullayevə məxsus mağazanın qapısının kilidini qıran cinayətkarlar oradan 2 700 manatlıq ərzaq məhsulları və televizor oğurlayıblar. 

Binəqədi rayonunda naməlum şəxs 1973-cü il təvəllüdlü Rəsulzadə qəsəbə sakini Aida Həsənovanın evinə girərək, 1 000 manat pul və eyni miqdarda qızıl-zinət əşyaları oğurlayıb.

Bir sıra xırda oğurluqlar da qeydə alınıb. Faktlarla bağlı araşdırma aparılır.


31 May 2020
Kriminal

DİN: Ruslan Əmirov polisə tabe olmadığına görə həbs edilib

Daxili İşlər Nazirliyi (DİN) AXCP fəalı Ruslan Əmirovun həbsi ilə bağlı məlumat yayıb.

28 May 2020
Kriminal

Baş Prokurorluq Gəncədəki qətllə bağlı məlumat yaydı

Gəncə şəhər prokurorluq və polis əməkdaşları tərəfindən həyata keçirilmiş təxirəsalınmaz istintaq-əməliyyat tədbirləri nəticəsində mayın 26-da şəhər sakini Asim Yusubovu qəsdən öldürməkdə şübhəli bilinən tanışı, əvvəllər məhkum olunmuş, 1960-cı il təvəllüdlü İlham Məmmədov tutularaq istintaqa cəlb olunub.

27 May 2020
Kriminal

Prokurorluq “Jurnalistlər Binası” ilə bağlı araşdırmaya başlayıb

Jurnalistlər üçün nəzərdə tutulan mənzillərin ədalətsiz bölgüsü ilə bağlı Prezident İlham Əliyevə müraciət edən bir qrup media işçisi Baş Prokuror yanında Korrupsiyaya Qarşı Mübarizə İdarəsinə çağırılıb. 

16 May 2020
Kriminal

“The Times-Azerbaijan” şirkətinin direktoru həbs edildi

Keçirilən əməliyyat-axtarış tədbirləri nəticəsində Bakı şəhəri Xətai Rayon Polis İdarəsinin əməkdaşları dələduzluqda ittiham edilən “The Times-Azerbaijan” şirkətinin direktoru Ceyhun Hacıyevi saxlayıblar.

16 May 2020
Kriminal

DİN: Bərdədə polisə müqavimət göstərən 14 nəfər saxlanılıb

Bu gün Bərdə rayonunun Qaradırnaq kəndinin bir qrup sakini heyvanlarını otarmaq üçün onlara örüş sahəsinin ayrılması tələbi ilə toplaşıblar.