Bunu “Sputnik”ə açıqlamasında “Diamond Princess” kruiz laynerində işləyən qırğız bəyan edib.
Onun sözlərinə görə, gəmidə səfərdən əvvəl Çində olmuş sərnişin xəstələnib. Beş gündən sonra isə artıq epidemiya başlayıb.
“Əsəblər tab gətirmirdi”, - Aybek (ad şərtidir) gəmidəki insanların vəziyyəti haqqında danışarkən bildirib. Bununla belə, o, gəmidə təşviş olmadığını vurğulayıb.
Aybek sahilə çıxanda vətənə qayıtmağa qorxduğunu deyib:
“Təyyarədə sərnişinlər əsəb və həyəcan keçirirdilər, bir qadın isə üstümə hücum çəkdi”.
O, zarafatyana ölkəsində prezident kimi qarşılandığını vurğulayıb:
“Hətta yolları bağlamışdılar. Xəstəxanada həkimlər belə məndən qorxurdu”.
Ümumilikdə, yarım ay həkim nəzarətində qalan gəncdə virus tapılmayıb.
Xatırladaq ki, “Diamond Princess” bir aya yaxın Yaponiya sahillərində karantində qalıb. Dörd minə yaxın sərnişindən 700-ü koronavirusa yoluxub, onlardan yeddisi ölüb.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
