realpress.az-ın xəbərinə görə, Azərbaycan Respublikası Milli Paralimpiya Komitəsi (MPK) “International Blind Sports Federation” (IBSA) ilə müzakirələr aparıb və Qran-Prinin 2021-ci ildə keçiriləcəyi ilə bağlı razılıq əldə edilib.
Razılığa əsasən, turnir Bakıda 2021-ci ilin may ayında keçiriləcək və “Tokio 2020” Yay Paralimpiya Oyunları öncəsi sonuncu təsnifat yarışı olacaq. Eləcə də, IBSA 2020-ci ildə idmançılar üçün yarışların məhdud olmasını və MPK-nin ötən il keçirilmiş Qran-Prini yüksək səviyyədə keçirməsini nəzərə alaraq, bu ilin noyabr ayında Bakıda Dünya Kubokunun və beynəlxalq təlim-məşq toplanışının keçirilməsi ilə bağlı Komitəyə müraciət edib. Bununla bağlı MPK-də iclas keçiriləcək və yarışın keçirilməsi ilə bağlı müzakirələr aparılacaq.
IBSA MPK-nın paracüdo üzrə Qran-Priyə olan hazırlıqlarını yüksək qiymətləndirib və Komitənin hazırlıq dövründə maliyyə itkiləri ilə üzləşdiyi üçün təəssüf hissini bildirib. Milli Paralimpiya Komitəsi isə öz növbəsində idmançıların və onları müşayiət edən şəxslərin sağlamlığlarını və təhlükəsizliyini maliyyə itkilərindən daha üstün tutduğunu bildirib.
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
