Millimizin karantinə alınmış legioneri: “Analizin cavabını gözləyirəm”

Millimizin karantinə alınmış legioneri: “Analizin cavabını gözləyirəm”
01 Apr 2020 16:35

Ölkə xaricində çıxış edən və koronavirus pandemiyası səbəbindən Azərbaycana qayıdarkən karantinə alınan milli komandanın legioner voleybolçuları – Yuliya Kərimova və Marqarita Əzizova özlərini yaxşı hiss edirlər. 

realpress.az Azərbaycan Voleybol Federasiyasının (AVF) Mətbuat Xidmətinə istinadən xəbər verir ki, İsrailin “Makkabi” (Hayfa) klubunda çıxış edən Yuliya Kərimova Azərbaycana yeni qayıtdığından, qaydalara uyğun olaraq, karantindədir.

35 yaşlı libero evə göndəriləcəyi tarixin ikinci analizin nəticəsinə əsasən bilinəcəyini deyib: 

“Bakıya gələrkən heç bir çətinlik yaşamadım. Heydər Əliyev Hava Limanına çatan kimi bizdən analiz götürdülər və hazırkı vəziyyətə uyğun olaraq, karantinə alınacağımızı dedilər. Artıq neçə gündür ki, buradayam. Nəzarətə götürülənlər üçün çox gözəl şərait yaradılıb. Hər şey yaxşıdır.

Federasiyanın rəhbərliyi hələ İsraildə olarkən səhhətimlə maraqlandı və qayıtmağım üçün lazımi köməkliyi göstərdi. Burada olduğum günlərdə isə millinin həkimi və meneceri ilə hər gün danışıram. Martın 30-da ikinci dəfə test vermişəm. Analizin cavabını gözləyirəm, hər şey qaydasında olarsa, bir neçə gündən sonra evə buraxılacağam”.

Onun kimi, millinin karantinə alınan digər üzvü Marqarita Əzizova da özünü yaxşı hiss edir.

“Radomka”nın (Polşa) formasını geyinən 27 yaşlı hücumçunun sözlərinə görə, səhhətində hər hansı problem yoxdur: 

“Varşavadan Bakıya çarter reysi ilə gəldim. Paytaxta qayıtmağımda Azərbaycanın Polşadakı səfirliyi, eləcə də federasiyanın böyük köməkliyi oldu. Hazırda Azərbaycanda olduğum üçün onlara təşəkkür edirəm. Bura gəldikdən sonra məni də, bütün sərnişinlər kimi, karantinə aldılar. Müəyyən edilmiş karantin müddətini keçdikdən sonra evə yollanacağam”.

29 Mar 2024
İdman

Azərbaycan boksçuları Bakıdakı beynəlxalq turnirdə 21 medal qazanıblar - YENİLƏNİB + FOTO

Bakıda kişi boksçular arasında ənənəvi “Böyük İpək Yolu” beynəlxalq turnirinin qalibləri müəyyənləşib.

28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.