Ermənistanın işğal etdiyi Dağlıq Qarabağda beynəlxalq hüquqa zidd olaraq keçiriləcək "seçkilər" hüquqi baxımdan tanınmayacaq.
Türkiyənin Azərbaycandakı səfirliyinin mətbuat müşaviri Hüseyin Altınalan bildirib.
Onun sözlərinə görə, Ermənistan BMT Təhlükəsizlik Şurasının 14 mart 2008-ci il tarixli "Ermənilərin işğal altında olan Azərbaycan torpaqlarından qeyd-şərtsiz çıxarılması, qaçqın vəziyyətinə düşən azərbaycanlıların yurdlarına qayıtması" barədə qərarına baxmayaraq, işğalı davam etdirir və heç bir sanksiya tətbiq olunmamasından cəsarət alır. Ermənistan bu məsuliyyətsizliyini daha da gücləndirərək qondarma "seçkilər" vasitəsilə işğal faktını qanuniləşdirməyə çalışır:
"Bu addım BMT-nin qərarlarına və ATƏT-in müddəaları ilə yanaşı, beynəlxalq hüquq normalarına da ziddir və eyni zamanda, ATƏT-in Minsk qrupunun həll yolunun tapılması cəhdlərini baltalayır. Ölkəmiz bu qondarma "seçkilər"i qəti şəkildə tanımamaqdadır. BMT və ATƏT-in Minsk qrupu da bu "seçkilər"i tanımamaqla yanaşı, Ermənistan hökumətini sərt şəkildə pisləməli, bu cür addımların qarşısını alacaq addımlar atmalıdır".
Müşavir əlavə edib ki, Ermənistan quldurcasına addımlar atmaqdan çəkinməli və işğal etdiyi ərazilərdən çıxmalıdır.
Bu gün vəfat edən Azərbaycanın ilk Ombudsmanı Elmira Süleymanovanın dəfn olunacağı yer bilinib.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Füzuli şəhərinin dağıdılmış yerlərinə baxıb və şəhərin Baş planı ilə tanış olublar.
Aprelin 25-də Azərbaycan Respublikasının Prezidenti İlham Əliyev və Qırğız Respublikasının Prezidenti Sadır Japarov Ağdam rayonunun Xıdırlı kənd tam orta məktəbinin birgə təməlqoyma mərasimində iştirak ediblər.
