Bu barədə pediatr Vaqif Qarayev sosial şəbəkədə məlumat yayıb.
Onun sözlərinə görə, kimsə özündə hərarət, zökəm, öskürək və sair kimi respirator əlamətlər hiss edərsə, təcili tibbi yardıma çağırış edə bilər:
“Söhbət yalnız koronavirusdan getmir. Adi mövsümi qriplərdən əziyyət çəkirsinizsə və həkimə getməkdən ehtiyat edirsinizsə, evə çağırış edə bilərsiniz. Testin cavabı altı saat müddətinə hazır olur”.
Tibbi Ərazi Bölmələrinin İdarəetmə Birliyi”nin (TƏBİB) Mətbuat Katibi Rəvanə Əliyeva realpress.az-a açıqlamasında bildirib ki, hər kəsdən analiz götürülməyəcək:
“Özündə xəstəlik əlamətləri hiss edən şəxslər evdən kənara çıxmadan Bakı daxili “103”, paytaxtdan kənarda isə “113” təcili tibbi yardım stansiyasına zəng etməlidirlər. Virusun simptomları müşahidə olunan şəxslərdən evdə yaxma götürüləcək.
Sonra isə laboratoriya şəraitində analizlər yoxlanılacaq. Nazirlər Kabineti yanında operativ qərargahın məlumatında da qeyd edilib ki, virusun yayılmasının qarşısının alınması üçün görülmüş tədbirlərdən biri olaraq, vətəndaş olduğu yerdən çıxmadan təcili tibbi yardıma zəng vurmalıdır. Koronavirus pandemiyası üçün analizlər dövlətin müəyyənləşdirdiyi konkret laboratoriyalarda aparılır”.
R.Əliyeva deyib ki, təcili tibbi yardıma saxta məlumat verən şəxslər məsuliyyətə cəlb ediləcəklər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
