YENİLİK: Məktəbəhazırlıq qrupları və 1-ci siniflər üçün dərsliklər artıq bir tədris ili ərzində istifadə olunacaq

YENİLİK: Məktəbəhazırlıq qrupları və 1-ci siniflər üçün dərsliklər artıq bir tədris ili ərzində istifadə olunacaq
17 Mar 2020 11:32

Dövlət ümumtəhsil məktəblərinin məktəbəhazırlıq qrupları və 1-ci sinifləri üçün istehsal olunan bütün kağız dərsliklər artıq 1 tədris ili ərzində istifadə olunacaq və hər il yeniləri ilə əvəzlənəcək.

Realpress.az  xəbər verir ki, bunu Trend-ə Təhsil Nazirliyinin Tədris resursları şöbəsinin baş məsləhətçisi Vüsalə Əliyeva deyib.

Onun sözlərinə görə, hazırda bütün kağız dərsliklər bir qayda olaraq, 4 il ərzində istifadə olunur: "Bu zaman məktəb təhsilinə yenicə başlayan məktəbəhazırlıq qruplarında təhsilalanların və birincilərin dərslikləri elə ilk istifadə ilində zədələməsi halları baş verir. Belə olduğu təqdirdə digər tədris illərində həmin dərsliklərdən istifadə etməli olan şagirdlərə zədələnmiş dərsliklərin verilməsi ehtimalı yaranırdı. Bu isə məktəb həyatına yeni başlayan şagirdlərin öyrənmə motivasiyasının azalmasına, dərslikdəki materiallarla işləmə zamanı çətinliklərin yaranmasına və s. səbəb ola bilirdi".

V.Əliyeva əlavə edib ki, ötən tədris illərinin statistikası da ən çox zədələnməyə məruz qalan və ya yararsız hala düşən dərsliklərin ilk onluğunda olan dərsliklərin hamısının məhz I siniflərə aid olduğunu göstərir.

Nazirlik rəsmisinin sözlərinə görə, ibtidai təhsil səviyyəsi üçün dərsliklərin istifadə müddətinin daha qısa müddətli və ya birdəfəlik təyin edilməsi beynəlxalq təcrübəyə də uyğundur: "Hətta Azərbaycanın öz təcrübəsinə də nəzər yetirsək, əvvəlki illərdə (sovet dövrü və müstəqillik illərinin əvvəllərində) 1-ci sinif dərsliklərinin (məsələn, Əlifba) şagirdlərə hədiyyə olaraq verildiyini görə bilərik".


22 Fev 2022
Elmi

“Sən elə bir zirvəsən” respublika ifa müsabiqəsi davam edir

Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.

22 Fev 2022
Elmi

Magistraturaya qəbul imtahanında ən yüksək nəticə 98 bal olub

Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.

22 Fev 2022
Elmi

Magistraturaya qəbul imtahanı vermiş iki nəfərin nəticələri ləğv edilib

Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.

21 Fev 2022
Elmi

Təhsil naziri Gürcüstanda tədrisi Azərbaycan dilində olan məktəblərin sayının azalmasına münasibət bildirib

"Məktəblərin sayına və keyfiyyətinə təsir edən müxtəlif amillər var. Bu amillərin bəziləri obyektiv, bəziləri isə subyektiv səbəblərlə bağlıdır".

21 Fev 2022
Elmi

Azərbaycanla Gürcüstan arasında ali təhsil sahəsində əməkdaşlıq müzakirə olunub

Gürcüstanda rəsmi səfərdə olan təhsil naziri Emin Əmrullayev İvane Cavaxişvili adına Tbilisi Dövlət Universitetinə (TDU) baş çəkib.