Ukrayna Prezidenti Vladimir Zelenski Çindən təxliyyə olunan vətəndaşları ölkəyə buraxmaq istəməyənləri qınayıb.
Bu barədə Ukrayna prezidenti “Facebook” hesabında yazıb.
“Təhlükəli olan virusun yayılması deyil, bizim insan və ukraynalı olmağımızı unutmağımızdır”, - deyə ölkə başçısı bildirib.
V.Zelenski təyyarənin təxliyyə olunanlarla birlikdə Ukraynaya uçduğunu deyib:
“Onlar Poltava yaxınlığında Milli Qvardiyanın qapalı tibb mərkəzinə yerləşdirilərək tamamilə təcrid olunacaq və həmin şəxslərlə bağlı lazımi təhlükəsizlik tədbirləri görüləcək”.
“Bir ukraynalı həmişə ukraynalı olaraq qalır. Uhanda müvəqqəti qalmaq və ya Kanadaya mühacirət etmək onu ölkəsi üçün yad insan etmir. Hökumət çətinlik çəkən hər kəs üçün mübarizə aparacaq. Cəmiyyətin də eyni davranacağını ümid edirəm”, - deyə Zelenski bildirib.
Qazaxıstan prezidenti Kasım-Jomart Tokayev Boao Asiya Forumunun (BAF) 23-cü sessiyasında iştirak etmək üçün Çinə səfər edib.
ABŞ-ın Merilənd ştatının Baltimor şəhərində körpünün uçması nəticəsində 6 nəfərin öldüyü təsdiqlənib.