Meksika telekanalı Azərbaycanda keçirilən parlament seçkiləri barədə süjet yayımlayıb

Meksika telekanalı Azərbaycanda keçirilən parlament seçkiləri barədə süjet yayımlayıb
14 Fev 2020 11:05

Meksikanın "Once" televiziya kanalı ölkəmizdə keçirilmiş parlament seçkilərinə dair "Azərbaycanda parlament seçkiləri" adlı süjet yayımlayıb.

"Biz Azərbaycanın paytaxtı Bakı şəhərindəyik. Dünyanın müxtəlif ölkələrindən, o cümlədən Meksikadan olan 800-dən çox beynəlxalq müşahidəçi Azərbaycan parlamentinə seçkiləri izləmək üçün buradadır".

Realpress.az Trend-ə istinadən xəbər verir ki, parlament seçkiləri ilə əlaqədar Bakıda səfərdə olan tanınmış jurnalist Federiko Lamont Meksikanın "Once" kanalının "Xəbərlər" informasiya-analitik proqramının birbaşa efirində yayımlanan süjetinə bu sözlərlə başlayıb.

Ölkəmizdə keçirilmiş parlament seçkilərinin nəticələrini şərh edən F.Lamont prosesin demokratik və şəffaf şəraitdə keçdiyini bildirib.

Diqqətə çatdırılıb ki, əsası ümummilli lider Heydər Əliyev tərəfindən qoyulan siyasi iradə hazırda Prezident İlham Əliyev tərəfindən inamla davam etdirilir, Azərbaycanda həyata keçirilən islahatların, o cümlədən sosial-iqtisadi siyasətin real nəticələrinin və seçki zəfərinin əsas səbəbi xalqın hakimiyyətə olan etimadıdır.

Habelə süjetdə Azərbaycanın dünyəvi dövlət olduğu, ölkəmizdə multikulturalizm və yüksək tolerantlıq ənənələri barədə məlumat verilib, müxtəlif xalqların və konfessiyaların nümayəndələrinin burada mehriban qonşuluq, dostluq və qarşılıqlı etimad şəraitində yaşadıqları qeyd olunub.

Süjetdə müəllif, həmçinin Ermənistanın Azərbaycana qarşı təcavüzü və ölkəmizin ərazisinin işğalına toxunub, bunun Azərbaycan xalqının ən ağrılı problemi olaraq qaldığını vurğulayıb. Eyni zamanda, BMT Təhlükəsizlik Şurasının münaqişə üzrə məlum 4 qətnaməsinə istinad edir.

"Parlamentin yeni tərkibinin Prezident İlham Əliyevin Azərbaycan xalqının rifahı naminə həyata keçirdiyi siyasətin yüksək nəticələrinə, ölkə iqtisadiyyatının sürətli inkişafına, əhalinin həyat səviyyəsinin yaxşılaşdırılmasına, ölkəmizin beynəlxalq aləmdə mövqelərinin daha da möhkəmlənməsinə və uğurla davam edən genişmiqyaslı islahatlara öz dəyərli töhfəsini verəcəyinə azərbaycanlıların inamı böyükdür", - deyə F.Lamont bildirib.


9 İyul 2020
Siyasət

Mehriban Əliyeva Böyük Şor gölündəki vəziyyətlə bağlı tapşırıqlar verdi

Bir neçə gün əvvəl “Sobsan” boya fabrikində baş vermiş yanğın zamanı kimyəvi maddələrlə qarışmış suyun Böyük Şor gölündə yaratdığı fəsadların aradan qaldırılması üçün Azərbaycan Respublikasının Birinci vitse-prezidenti Mehriban Əliyevanın tapşırığı ilə müvafiq işlərə başlanılıb. 

9 İyul 2020
Siyasət

Prezident Dövlət Agentliyinin səlahiyyətini azaltdı - FƏRMAN

Azərbaycan Avtomobil Yolları Dövlət Agentliyinin (AAYDA) Nizamnaməsinə dəyişiklik edilib.

9 İyul 2020
Siyasət

Mehriban Əliyeva koronavirusa yoluxmuş Cavid Paşayevin müalicəsini nəzarətə götürdü

“Azərbaycan Tibb Universitetinin koronavirusa yoluxmuş Tədris Cərrahiyyə Klinikasının reanimasiya şöbəsinin müdiri Cavid Paşayevin səhhəti Birinci vitse-prezident Mehriban Əliyevanın tapşırığı ilə xüsusi nəzarətə götürülüb”.

9 İyul 2020
Siyasət

İlham Əliyev Bakıda açılışda - YENİLƏNİB + FOTO

Prezident İlham Əliyev iyulun 9-da Bakının Nizami rayonunda “Azərenerji” Açıq Səhmdar Cəmiyyətinin (ASC) yenidən qurulan 110/35/10 kilovoltluq “8-ci km” yarımstansiyasının açılışında iştirak edib.

9 İyul 2020
Siyasət

İlham Əliyevin bu gün açılışını etdiyi yarımstansiyanın görüntüləri - VİDEO

Xəbər verdiyimiz kimi, bu gün Prezident İlham Əliyev Bakının Nizami rayonunda “Azərenerji” Açıq Səhmdar Cəmiyyətinin yenidən qurulan 110/35/10 kilovatlıq “8-ci km” yarımstansiyasının açılışında iştirak edib.