Avropada koronavirusun yeni növünə ilk tutulanlar müəyyən edilib. Fransa Səhiyyə Nazirliyi Parisdə və Bordoda iki yoluxma halını təsdiqləyib və yoluxmuş şəxslərin sayının arta biləcəyi ilə bağlı xəbərdarlıq edib.
Məlumata əsasən, Bordodan olan xəstə (mənşəcə çinli) bu yaxınlarda Çində olub və Uxan şəhərinə də gedib. Fransaya qayıtdıqdan sonra onlarla insanla ünsiyyətdə olub. Parisli xəstə haqqında isə informasiya yoxdur.
Bir müddət əvvəl isə iki nəfər bu diaqnozla ABŞ-da xəstəxanaya yerləşdirilib və bir yoluxma hadisəsi də Nepalda qeydə alınıb.
Xatırladaq ki, 2019-cu il 31 dekabrda Çin hökuməti Uxan şəhərində naməlum sətəlcəm xəstəliyinin başlandığını açıqlayıb. Yanvar ayında xəstəliyin törədicisinin yeni koronavirus növü olduğu məlum olub.
Çində ən yüksək reaksiya səviyyəsi elan edilib. Sətəlcəm xəstələrinin sayı 830 nəfərə çatıb, 20-dən artıq insan dünyasını dəyişib. Cümə axşamından Uxanla aviasiya, dəmir yolu və digər nəqliyyat əlaqələri dayandırılıb. Vilayətin digər şəhərlərinin də giriş və çıxışları bağlanıb. Uxanda klinika-laboratoriya tikilir və tibb işçilərinə kömək etmək üçün ordu cəlb edilib.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
