Avstraliyanın Forster şəhərində yeniyetmə oğlan dronu sayəsində üzən şəxslərə yaxınlaşan ağ köpək balığını görüb və onları xilas edib.
Bu barədə “The Sun” nəşri xəbər yayıb.
17 yaşlı Kemeron Qreys ailəsi ilə birlikdə Forsterdə dincəlirmiş. Həmin gün o Meyn biç çimərliyində kvadrokopterini havaya qaldırıbmış.
Çəkiliş zamanı gənc üzgüçülərin cəmi bir neçə metrliyində böyük ağ köpək balığı görüb. Gənclər isə bundan xəbərsiz halda üzüblər.
Qreys gördüklərini xalası Reyçel Uolterə danışır. O da öz növbəsində dərhal suya tərəf qaçaraq, üzgüçüləri təhlükə barədə xəbərdar edir.
“Mən suya tərəf qaçıb, əllərimi havada yelləməyə və onları sahilə çıxmağa çağırdım. Onlar nə baş verdiyini anlamırdılar”, - deyə R.Uolter baş verənləri şərh edib.
Qeyd edilir ki, adamyeyən-köpək balığı kimi də tanınan yırtıcı balıq 2,5 metr uzunluqda olub.
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.
