Döyüşçülərin Mütləq Çempionatının (UFC) iki çəki kateqoriyasında sabiq çempionu irlandiyalı Konor Makqreqor rusiyalı Həbib Nurmaqomedov ilə döyüşə hazırlıq dövründə alkoqollu içkilərdən istifadə edib. Makqreqorun şərhi barədə "MMA Junkie" portalı məlumat yayıb.
Nurmaqomedov-Makqreqor qarşılaşması 2018-ci ilin payızında keçirilib və tətbiq etdiyi ağrılı fənd sayəsində rusiyalının qələbəsi ilə başa çatıb.
İrlandiyalı döyüşçü deyib: "Mən Nurmaqomedovla döyüşdən əvvəl bütün həftəni içki qəbul etmişəm. Mən səhvə yol vermişəm. Lakin mən etiraf etmək və səhvimi düzəltmək üçün lazımınca cəsuram və bu addımı atdım. Ola bilər ki, mən ideal deyiləm, lakin buna çox yaxınam".
Realpress.az AZƏRTAC-a istinadən bildirir ki, 31 yaşlı Makqreqor UFC-nin ən populyar döyüşçülərindən biridir. O, keçirdiyi 25 qarışıq təkbətək qarşılaşmada 21 qələbə (18 vaxtından əvvəl) qazanıb və 4 dəfə məğlub olub. İrlandiyalı UFC-də ilk çempion titulunu 2015-ci ildə qazanıb. Daha sonra Makqreqor müxtəlif çəki kateqoriyalarında (yarıyüngül və yüngül), eyni zamanda, iki titula sahib idmançı kimi təşkilatın tarixində ilk döyüşçü adına layiq görülüb.
Makqreqor özünün növbəti döyüşünü yanvarın 19-da, amerikalı Donald Serrona qarşı keçirəcək. Təkbətək döyüş Las-Veqasda, UFC 246 turnirində təşkil olunacaq.
Kişi həndbolçular arasında Azərbaycan çempionatının həlledici mərhələsində ilk oyunların təqvimi müəyyənləşib.
Kəlbəcərdə infrastruktur işləri görülür.
Qadınlar arasında idman gimnastikası üzrə Azərbaycan milli komandasının üzvü Nazənin Teymurova Dohada keçirilən Dünya Kubokunda tir üzərində hərəkətlər proqramında finala yüksəlib.
Azərbaycanın ekologiya və təbii sərvətlər naziri, COP29-un prezidenti Muxtar Babayev Vaşinqton şəhərində Beynəlxalq Valyuta Fondu (IMF) və Dünya Bankı Qrupunun keçirdiyi yaz toplantısı çərçivəsində İqlim Fəaliyyəti üzrə Maliyyə Nazirləri Koalisiyasının 11-ci iclası çərçivəsində ABŞ-nin keçmiş dövlət katibi Con Kerri ilə görüşüb.
