“Windows 7” əməliyyat sistemi təhlükəli elan edilib

“Windows 7” əməliyyat sistemi təhlükəli elan edilib
14 Yan 2020 15:21

Böyük Britaniyanın Milli Kibertəhlükəsizlik Mərkəzi (NCSC) ölkə vətəndaşlarını “Windows”un yeni versiyasına keçmək zərurəti haqqında xəbərdarlıq edib.

 

“ICTnews” Elektron Xəbər Xidməti “lenta.ru” saytına istinadən yazır ki, mərkəz öz məlumatında “Windows 7” sistemini təhlükəli kimi qəbul edir və onun istifadəsindən mümkün qədər tez imtina etməyi məsləhət görür. Mütəxəssislər bildiriblər ki, “Microsoft” yanvarın 14-dən populyar əməliyyat sisteminin dəstəyini dayandıracaq ki, bu da istifadəçilərə qarşı hücumların artmasına səbəb ola bilər. NCSC “Windows 7” surətinin sahiblərinə internet-bankinq və poçt müştəriləri xidmətlərindən istifadə etməyi tövsiyə etmir.

 

Mərkəz yeniləmə mümkün olmadığı halda “Windows 7” sisteminin idarəetməsi altında işləyən kompüterlərdən məxfi məlumatları başqa qurğulara daşımağı tövsiyə edir. Agentlik qeyd edib ki, hakerlər 2014-cü ildən etibarən (“Microsoft” korporasiyası “Windows XP” köhnə əməliyyat sisteminin dəstəyini dayandıran kimi) bu əməliyyat sisteminə hücum variantlarını araşdırırlar.

 

“Microsoft”un nümayəndəsi dekabrda bildirmişdi ki, köhnə əməliyyat sisteminin yalnız korporativ istifadəçilərini dəstəkləməyə davam edəcək.

 Realpress.az


19 Mar 2020
İT

İlk ikiekranlı televizor nümayiş olunub

“Hisense” şirkəti iki ekrana və “8K” təsvir ölçüsünə malik dünyanın ilk televizorunu təqdim edib.

19 Mar 2020
İT

2020-ci ildə 200 dollara “5G” smartfon satın almaq mümkün olacaq

2020-ci ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq. 

18 Mar 2020
İT

“OPPO” şirkəti “Reno3” smartfonunun “4G” versiyasını təqdim edib

"OPPO" şirkəti "Reno3" smartfonunun təqdim edilməsindən üç ay sonra qurğunun LTE modemlə təchiz edilmiş daha ucuz versiyasını təqdim edib.

18 Mar 2020
İT

Yeni “Powerbeats” qulaqcığı rəsmən təqdim olunub

“Apple” korporasiyasına məxsus “Beats” şirkəti yeni simsiz “Powerbeats” qulaqcığını rəsmən təqdim edib.

18 Mar 2020
İT

İki ucuz “iPhone” modeli buraxılacaq

“Apple” şirkəti iki ucuz “iPhone” modelini satışa çıxarmağı planlaşdırır.