“Firefox” brauzerində səsli idarəetmə funksiyası istifadəyə verilib

“Firefox” brauzerində səsli idarəetmə funksiyası istifadəyə verilib
14 Yan 2020 14:25

“Mozilla” şirkəti “Firefox” brauzerini səsli idarəetmə funksiyası ilə təmin edən eksperimental plagin təqdim edib. Belə ki, “Firefox Voice” adlı funksiyanın istifadəçiləri klaviaturaya toxunmadan internetdə məlumatlar axtara, səhifələri tərcümə edə, marşrutlar müəyyənləşdirə, musiqi səsləndirə və açıq tab-vərəqələri tez tapa biləcəklər.

 

“ICTnews” Elektron Xəbər Xidməti “Vesti” resursuna istinadən yazır ki, funksiyanın verilən komandaları yerinə yetirməsi üçün “Firefox” menyu panelində mikrofon işarəsinin üzərinə vurduqdan sonra ona “Find my calendar tab” (“Mənim təqvimimin tab-vərəqəsini tap”), “Play Green Day on Spotify” (“Green Day”i “Spotify”da işə sal”), “Search my Gmail for tickets to Hamilton” (“Mənə məxsus “Gmail”də Hamilton üçün biletlər tap), “What's the temperature in San Antonio?” (San-Antonioda temperatur neçədir?”) və “Read this page” (“Bu səhifəni oxu”) kimi ifadələrlə müraciət etmək mümkündür.

 

“Firefox Voice” funksiyasının bildiyi komandaların tam siyahısı ilə layihənin saytında tanış olmaq olar. Bundan başqa, yenilənmə proqramı idarə etməyə imkan verir. Məsələn, ondan açılmış tab-vərəqələri bağlamağı, səhifəni yeniləməyi və ya onu “PDF” şəklində saxlamağı xahiş etmək mümkündür.

 

Hazırda “Firefox Voice” funksiyası yalnız ingilis dilində başa düşür. Lakin gələcəkdə səsli idarəetmə funksiyası beta versiyadan çıxaraq birbaşa brauzerə quraşdırıldıqdan sonra onun digər dilləri də başa düşəcəyi gözlənilir.

Realpress.az


19 Mar 2020
İT

İlk ikiekranlı televizor nümayiş olunub

“Hisense” şirkəti iki ekrana və “8K” təsvir ölçüsünə malik dünyanın ilk televizorunu təqdim edib.

19 Mar 2020
İT

2020-ci ildə 200 dollara “5G” smartfon satın almaq mümkün olacaq

2020-ci ilin sonunadək smartfonlar bazarında təxminən 214 dollar məbləğində “5G” şəbəkələrini dəstəkləyən qurğular əlçatan olacaq. 

18 Mar 2020
İT

“OPPO” şirkəti “Reno3” smartfonunun “4G” versiyasını təqdim edib

"OPPO" şirkəti "Reno3" smartfonunun təqdim edilməsindən üç ay sonra qurğunun LTE modemlə təchiz edilmiş daha ucuz versiyasını təqdim edib.

18 Mar 2020
İT

Yeni “Powerbeats” qulaqcığı rəsmən təqdim olunub

“Apple” korporasiyasına məxsus “Beats” şirkəti yeni simsiz “Powerbeats” qulaqcığını rəsmən təqdim edib.

18 Mar 2020
İT

İki ucuz “iPhone” modeli buraxılacaq

“Apple” şirkəti iki ucuz “iPhone” modelini satışa çıxarmağı planlaşdırır.