“Bakutel-2019” sərgisində “Əşyaların interneti” həlləri təqdim ediləcək

“Bakutel-2019” sərgisində “Əşyaların interneti” həlləri təqdim ediləcək
02 Dek 2019 13:03

“Bakutel-2019” 25-ci Yubiley Beynəlxalq Telekommunikasiya, İnnovasiya və Yüksək Texnologiyalar Sərgisində xüsusi əhəmiyyətli mövzulardan biri “Əşyaların interneti” olacaq. Təsadüfü deyil ki, sərgi çərçivəsində təşkil olunacaq 2-ci Xəzər İnnovasiya Konfransı “Əşyaların interneti: müasir cəmiyyətin təməli” mövzusuna həsr edilib.

 

Sərgidə “İnternet of Things (İoT) Projects” adlı xüsusi stend fəaliyyət göstərəcək. Stenddə “Əşyaların interneti” üzrə müxtəlif maraqlı layihələr nümayiş etdiriləcək. Burada həm yeni layihələr, həm də artıq tətbiq edilən peşəkar “İoT” məhsullar vardır.

 

Stenddə yeni layihələrə xüsusi yer ayrılıb. Burada İKT LAB Tətbiq və Tədris Mərkəzinin və “Microsoft Azərbaycan” şirkətinin “İoT Laboratoriya”sının ilk təcrübə proqramının layihələri təqdim ediləcək. Layihələr sırasında “Air quality monitor”, “Smart Home”, “Ağıllı Suvarma Sistemi”, “Cleaner Drone”, “Parking Observer”, “Ağıllı Turniket”, “Fleet Management System İoT” həlləri və “İoT Maker” təlim proqramı kimi layihələr yer alıb.

 

Eyni zamanda stenddə müxtəlif şirkətlərin hazır məhsulları ilə tanış olmaq olar. “Smart Home” şirkəti “Ağıllı Bina və Ev” evlərin idarə edilməsinin avtomatlaşdırılması üçün nəzərdə tutulmuş sistemi, “Spektra” şirkəti kənd təsərrüfatı üçün nəzərdə tutulmuş "Agro-Monitor" sistemini və “Beta Dynamics” şirkəti “Beta Cloud – İoT” cihazların idarə edilməsi üçün bulud platformasını nümayiş etdirəcək.

 

Sərgidə iki universitet maraqlı layihələrlə çıxış edir. Milli Aviasiya Akademiyasının Elmi Tədqiqat Nəqliyyat və Aviasiya Problemləri İnstitutu İşıqforların idarə olunması ilə bağlı layihəni, Azərbaycan Dövlət Neft və Sənaye Universiteti “GardenX” adlı elektron və proqram təminatı həlləri ilə birləşdirilmiş “Ağıllı dibçək” layihəsini təqdim edəcək.

Realpress.az


6 Dek 2019
İT

Maddənin ən kiçik hissəciklərini birləşdirə bilən yapışqan hazırlanıb

Alimlər tərəfindən plastik və şüşə məmulatlar üçün hazırlanmış hiper yapışqan maddələr arasında molekulyar səviyyədə yeni güclü əlaqələr yaradır. Bu haqda "Science" jurnalında dərc edilmiş araşdırmada məlumat verilir.

6 Dek 2019
İT

Kontaktsız ödənişlər üçün yeni təhlükəsizlik standartı təqdim olunub

Ödəniş Kartları Sənayesi üzrə Təhlükəsizlik Standartları Şurası (PCI SSC) satıcılara “NFC” texnologiyasını dəstəkləyən mobil “COTS” qurğuları (kütləvi bazar üçün nəzərdə tutulan smartfon və planşetlər) vasitəsilə kontaktsız ödənişləri qəbul etməyə imkan verən həllər üçün yeni məlumat təhlükəsizliyi standartını təqdim edib.

6 Dek 2019
İT

“Rossiya 24” telekanalının “Bakutel 2019” sərgisi ilə bağlı yayımladığı reportajda Prezident İlham Əliyevin müsahibəsi də yer alıb

Rusiyanın "Rossiya 24" telekanalı dekabrın 5-də "Bakutel 2019" 25-ci Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi ilə bağlı reportaj yayımlayıb. Reportajda Azərbaycan Respublikasının Prezidenti cənab İlham Əliyevin müsahibəsi də yer alıb.

6 Dek 2019
İT

“Nokia 2.3” smartfonu təqdim olunub

"HMD Global" şirkəti yeni "Nokia 2.3" smartfonunu rəsmən təqdim edib. Yeni qurğu "Android One" proqramı bazasında hazırlanıb.

6 Dek 2019
İT

Tokioda “Pepper” robotlarının çalışdığı kafe açılıb

Tokioda ofisiantlar qismində robotların da çalışdığı “Pepper Parlor” kafesinin açılışı olub.