Siyəzəndə ağır yol-nəqliyyat hadisəsi baş verib.
Realpress.az Trend-ə istinadən bildirir ki, hadisə ötən gecə rayonun Zarat kəndində qeydə alınıb. Yük və minik avtomobillərinin toqquşması nəticəsində 3 nəfər müxtəlif dərəcəli xəsarətlər alıblar. Onlar təcili tibbi yardımla Siyəzən Regional Müalicə Diaqnostika Mərkəzinə çatdırılıblar.
Xəsarət alanlar 1991-ci il təvəllüdlü Savalanov Hümbət Sayəddin oğlu, onun həyat yoldaşı 1993-cü il təvəllüdlü Savalanova Günay Şakir qızı və 1987-ci il təvəllüdlü Əliyeva Oksana Gülağa qızıdır.
Mərkəzdən Trend-ə verilən məlumata görə, ağır bədən xəsarətləri alan şəxslər reanimasiya şöbəsinə yerləşdiriliblər. Həkimlərin səyinə baxmayaraq xəsarət alan hər iki qadın dünyasını dəyişib. H.Savalanov isə açıq kəllə-beyin travması ilə müalicə olunur.
Azərbaycan Avtomobil Yolları Dövlət Agentliyi Bakı-Quba-Rusiya ilə dövlət sərhədi avtomobil yolunun 72-ci km-də yerüstü piyada keçidinin tikintisini yekunlaşdırmaq üzrədir.
“Bu ilin ilk rübündə ötən ilin ilk rübü ilə müqayisədə ümumi daxili məhsulun tərkibində qeyri-neft-qaz sektoru üzrə bir sıra sahələrdə yüksək artım templəri qeydə alınıb”.
Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
