Bakıda xəstə özünü xəstəxananın pəncərəsindən atdı - RƏSMİ

Bakıda xəstə özünü xəstəxananın pəncərəsindən atdı - RƏSMİ
08 Noy 2019 11:44


Respublika Diaqnostika Mərkəzi özünü beşinci mərtəbədən atan pasiyentlə bağlı açıqlama yayıb.

Mərkəzdən realpress.az-a verilən məlumata görə, xəstənin laborator göstəriciləri və əməliyyatdan sonra köçürülmüş böyrəyinin vəziyyəti normal və qənaətbəxş olub:

“Martın 1-də müayinə olunmaq üçün Respublika Diaqnostika Mərkəzinə müraciət edən 1976-cı il təvəllüdlü Gülməmmədov İlkin Şubay oğlu bütün zəruri müayinələrdən, həmçinin, psixiatr baxışından keçib.

Sentyabrın 23-də xəstə əməliyyat olunaraq ona böyrək köçürülüb. Oktyabrın 5-i normal vəziyyətdə evə yazılıb. Xəstənin əməliyyatla bağlı bütün xərcləri Səhiyyə Nazirliyi tərəfindən ödənilib. Qeyd etmək istəyirik ki, böyrəkköçürmə əməliyyatından əvvəl hər bir xəstə və donoru psixiatr müayinəsindən mütləq şəkildə keçir. 

Xəstə aldığı immunsupressiv (immunitet sisteminin zəifliyi) müalicə ilə bağlı bir sıra narahatlıqlar yaşadığından yenidən müayinə olunması üçün oktyabrın 9-da xəstəxanaya yerləşdirilib. Həmin tarixdən noyabrın 7-nə kimi aparılan müalicə nəticəsində xəstənin ümumi vəziyyətində yaxşılaşma müşahidə olunub.

Xəstənin laborator göstəriciləri və əməliyyatdan sonra köçürülmüş böyrəyinin vəziyyəti normal və qənaətbəxş idi. O, xəstəxanada müalicədə olduğu müddət ərzində, həmçinin, intihar hadisəsinin baş verdiyi gün də ailə üzvləri ilə görüş olub. Yaxın günlərdə evə yazılması planlaşdırılırdı”.

Dünya statistikasına görə, xroniki böyrək çatışmazlığından əziyyət çəkən və böyrək transplantasiyası icra olunmuş xəstələrin 25 faizi ağır depressiv vəziyyətdə olur. Bununla bərabər, dünyada aparılan ciddi statistika araşdırmalara görə, xroniki böyrək çatışmazlığından əziyyət çəkən xəstələrin 21 faizində suisidial cəhdlər qeydə alınır. Dünya üzrə xəstəxanalarda baş verən suisidial hallar isə 6,1 faiz təşkil edir.

Qeyd edək ki, pasiyent Gülməmmədov İlkin noyabrın 7-də müalicə olunduğu xəstəxananın beşinci mərtəbəsinin pəncərəsindən özünü yerə atıb. O, aldığı xəsarətlərdən vəfat edib.

Faktla bağlı hüquq-mühafizə orqanları tərəfindən araşdırma aparılır.


30 Noy 2020
Cəmiyyət

“Qartal” ləqəbli cəngavərimiz: Onun adı gələndə düşmənin canına qorxu düşürdü - VİDEO

Sumqayıt şəhidi, əslən Masallıdan olan xüsusi təyinatlı polkovnik-leytenant Ramiz Cəfərov... Döyüş meydanında bu ad düşmənə yaxşı məlum idi. Çünki hərbi hissə komandirinin müayini kimi həmişə ön sırada gedib, əsgərləri ilə çiyin-çiyinə döyüşüb. 

30 Noy 2020
Cəmiyyət

Yaralanıb 10 gün sonra döyüşə gedən komandir - VİDEO

İkinci Qarabağ müharibəsinin başlaması ilə mayor Zaur Rəhimovun da arzusu reallaşıb. Azərbaycanın haqq savaşında öz döyüş yoldaşları ilə birgə qəhrəmancasına vuruşan xüsusi təyinatlı dəstənin komandiri, torpaqlarımızın işğaldan azad olunması üçün bu böyük fürsəti əldən verməyib. O, ilk dəfə Murovdağ silsiləsində gedən döyüşlərdə boynundan qəlpə yarası alıb. Həkimlərin cərrahi müdaxiləsindən sonra qəlpə çıxarılıb, cəsur döyüşçümüz bu hadisədən heç 10 gün keçməmiş yenidən cəbhəyə yollanıb.

30 Noy 2020
Cəmiyyət

Dağıdılmış Kəlbəcərdən yeni görüntülər yayıldı - VİDEO

İşğaldan azad edilmiş Kəlbəcərdən yeni görüntülər yayılıb.

30 Noy 2020
Cəmiyyət

Azərbaycanda karantin rejimi daha da sərtləşdirilə bilər - XƏBƏRDARLIQ

Yoluxma sayının artmağa doğru davam etməsi sərt tədbirləri qaçılmaz edəcək.

30 Noy 2020
Cəmiyyət

Əsgərlərimiz Ermənistan bayrağını erməninin özünə endirtdirdilər - VİDEO

Azərbaycan və Ermənistanın Kəlbəcər rayonu ərazisindən keçən dövlət sərhədlərinin demarkasiyası zamanı maraqlı hadisə baş verib.