“Google” təhlükəsiz çiplərin yaradılması üçün layihə istifadəyə verib

“Google” təhlükəsiz çiplərin yaradılması üçün layihə istifadəyə verib
08 Noy 2019 11:15

“Google” şirkəti istehlak qurğuları və data mərkəzi avadanlıqları üçün təhlükəsiz çiplərin yaradılmasını nəzərdə tutan “OpenTitan” layihəsini istifadəyə verib.

 

“ICTnews” Elektron Xəbər Xidməti “DailyComm” resursuna istinadən yazır ki, şirkət açıq spesifikasiyalı və “root-of-trust” mikrosxemlərinin hazırlanması məqsədilə texnoloji şirkətləri əməkdaşlığa cəlb edir.

 

Belə konsepsiya kibermüdaxilələrin qarşısını alan xüsusi modulun mövcudluğunu nəzərdə tutur. Məsələn, qabaqcıl “Google Pixel 4” smartfonlarında bu rolu “Titan M” mikrokontrolleri – qurğu işə salınan zaman quraşdırılmış proqram təminatının təhlükəsizliyini yoxlayan miniatür prosessor oynayır.

 

“OpenTitan” ideyasının mahiyyəti ondan ibarətdir ki, proqram təminatı avtorizə edilmiş və yoxlanılan kodun tətbiq edildiyi təsdiq edilmiş komponentlərdə işə salınır. Bu, düzgün proqram təminatları vasitəsilə yüklənməyə imkan verəcək, server və ya qurğunun təsdiqi üçün unikal kriptoqrafik identifikatoru təmin edəcək, şifrləmə açarları kimi məxfi məlumatları hətta qurğudan fiziki istifadə etmək imkanına malik insanlardan qoruyacaq.

 

“Google” nümayəndələrinin sözlərinə görə, “OpenTitan” layihəsi vasitəsilə yaradılan texnologiyalar çip istehsalçıları, platforma tədarükçüləri və infrastrukturu təkmilləşdirmək istəyən və təhlükəsizliyin qayğısına qalan təşkilatlar üçün faydalı olacaq.

Realpress.az


15 Noy 2019
İT

“Instagram” bütün dünyada istifadəçilərin “like”larını gizlətməyə başladı

“Instagram” bütün dünyada istifadəçilərin “like”larını gizlətməyə başladı

14 Noy 2019
İT

ABŞ-da ətraf mühitə zərər verməyən ilk daşınan tibbi laboratoriya təqdim edilib

ABŞ-da Kaliforniya Universiteti tibbi avadanlığı toplaya, sterilizasiya və təmir edə bilən ilk daşınan laboratoriya təqdim edib. Həmçinin ətraf mühitə zərərli maddələr tullamır.

14 Noy 2019
İT

“Motorola” elastik ekrana malik “RAZR” smartfonunu təqdim edib

“Motorola” şirkəti elastik ekranlı qatlanan smartfonunu təqdim edib. “Samsung Galaxy Fold” cihazından fərqli olaraq yeni “Razr” açılmış formada planşeti deyil, adi smartfonu xatırladır, ona görə qatlanmış formada ölçüsü çox yığcamdır.

14 Noy 2019
İT

İlk “ağıllı” “Nokia” televizorunun xüsusiyyətləri açıqlanıb

Tezliklə ilk “ağıllı” “Nokia” televizoru təqdim ediləcək.

14 Noy 2019
İT

“Tesla” şirkəti Berlində ilk Avropa zavodunu tikəcək

ABŞ-ın elektromobillərin istehsalı üzrə “Tesla” şirkəti Avropada ilk olmaqla Berlin yaxınlığında böyük zavod tikəcək. Bu barədə “Deutsche Welle” teleradio şirkətinin məlumatında deyilir.