Bitlərdən 1 günə belə qurtulun – Bunu hər bir ana bilməlidir!

Bitlərdən 1 günə belə qurtulun – Bunu hər bir ana bilməlidir!
07 Noy 2019 17:17

Uşaqlar arasında bitlərə yoluxma (pedikulyoz) hallarına tez-tez təsadüf edilir. Bundan utanmaq lazım deyil.

Çoxdan sübut olunub ki, pedikulyozun gigiyenaya və təmizliyə heç bir aidiyyatı yoxdur. Bitlər hərəkət edir və bir insandan digərinə asanlıqla keçə bilir. Bu başqa insanın papağını, paltarını geyindikdə, başqa insanın darağından istifadə etdikdə mümkündür.

Saglamolun.az tanınmış ukraynalı pediatr Evgeniy Komarovskinin pedikulyozun müalicəsi ilə bağlı olan tövsiyələrini sizə təqdim edir.

 

Həkimin sözlərinə görə, valideyn uşaqda bitləri aşkar etdikdə mütləq bu haqda məktəb və ya baxçaya məlumat verməlidir. Bu nə üçün vacibdir? Eyni sinifdə və ya bağça qrupunda olan digər uşaqlarda da pedikulyoz ola bilər və uşağınız müalicə aldıqdan bir müddət sonra yenə bitlərə yoluxa bilər.

Ümumdünya Səhiyyə Təşkilatı, müxtəlif ölkələrin Pediatr və İnfeksionistlər Assosiasiyaları pedikulyozun müalicəsində “permetrin” adlı dərmandan istifadə etməyi tövsiyə edirlər. Preparatın adı başqa da ola bilər – məsələn, “pedeks”, “pedikulen”, “nix”, lakin tərkibində permetrin olmalıdır. Əczaçı sizə bitlərə qarşı hər hansı darman təklif etdikdə onun tərkibinə mütləq fikir verin! Permetrin yoxdursa – almayın.

Pedikulyozun müalicəsi

Uşağın saçlarını qabaqcadan yuyun. Permetrini pambıq tamponun köməyi saçlara (xüsusilə saçların köklərinə) çəkin. Vasitə saçların bütün uzunluğu boyu çəkilməlidir. Fikir verin ki, permetrin uşağın gözlərinə və ağzına düşməsin! Daha sonra uşağın başına yaylıq bağlayın və 40 dəqiqədən sonra saçlarını yuyun və yaxşı darayın.  

Bu preparat çox effektlidir və onun 1 dəfəlik istifadəsi bitlərdən tam qurtulmağa imkan verir. Lakin pediatrlar qeyd edir ki, müasir şampunların tərkibində olan bəzi maddələr, xüsusilə silikon permetrinin təsirini azaldır. Bu səbəbdən pediatrlar permetrini 9-10 gündən sonra təkrar istifadə etməyi tövsiyə edirlər.

Diqqət! Pediatrlar pedikulyozun müalicəsi zamanı uşağın saçlarını qırxmağı, ağ neft, sirkə və s. bu kimi vasitələrdən istifadə etməyi qəti şəkildə tövsiyə etmirlər.

Permetrin “profilaktik” məqsədlərlə istifadə olunmur. Bitlər aşkar olunubsa istifadə olunur, olunmayıbsa – yox.

Realpress.az


20 Noy 2019
Maraqlı

AFFEKT halı nədir?

Affekt emosiya deməkdir. İnsanı coşqun və sürətli qaplayan, eyni zamanda, nisbətən qısamüddətli partlayış səciyyəsi daşıyan emosional prosesdir.

20 Noy 2019
Maraqlı

Amerikalı astronavt açıq kosmosda ayaqqabısını istlatdı

Amerikalı astronavt açıq kosmosda ayaqqabısını istlatdı

20 Noy 2019
Maraqlı

İstanbulda son 40 ilin ən isti noyabr ayı qeydə alınıb

Hazırda İstanbulda son 40 ilin ən isti noyabr ayı qeydə alınıb.

19 Noy 2019
Maraqlı

Növbəti Xiaomi Mi Mix barəsində yeni məlumat verildi

Baxmayaraq ki, Xiaomi şirkəti sentyabr ayının sonunda Mi Mix Alpha smartfon modelini təqdim etmişdi, artıq indidən internetdə yeni Mi Mix modeli barəsində məlumatlar ortaya çıxır. Məşhur hindistanlı insayder Sudhanshu Ambhore-nin verdiyi məlumata əsasən növbəti Mi Mix modeli, üzərində ön kamera üçün nəzərdə tutulmuş çıxıntı hissə əldə edəcək.